३५ हजार रुपैयाँ घुससहित सशस्त्र प्रहरीका सहायक हवल्दार पक्राउ

हाम्रो बुलेटिन शुक्रबार १९, मङि्सर २०७७ १८:३२

३५ हजार रुपैयाँ घुससहित सशस्त्र प्रहरीका सहायक हवल्दार पक्राउ

सशस्त्र प्रहरी बल, बोर्डर आउट पोस्ट कृष्णनगरका सशस्त्र प्रहरी सहायक हवल्दार लिलबहादुर गुरुङलाई अख्तियारले घुससहित शुक्रबार पक्राउ गरेको छ । सहायक हवल्दार गुरुङले घरायसी सामान ओसारपसारमा सहजीकरण गरिदिए बापत सेवाग्राहीसँग ३५ हजार रुपैयाँ घुस लिँदै गर्दा अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले पक्राउ गरेको हो ।

आयोगले विशेष सूचनाका आधारमा आरोपितलाई सेवाग्राहीबाट लिएको घुस रकमसहित पक्राउ गरेको सूचना अधिकारी सुरेश भुसालले जानकारी दिए । कपिलवस्तु, कृष्णनगर नगरपालिका २ गोलघरस्थित मिलन रेस्टुरेन्ट एन्ड दुर्गा गेस्ट हाउसबाट गुरुङलाई नियन्त्रणमा लिइएको हो । पक्राउ परेका गुरुङ माथि थप अनुसन्धान भइरहेको अख्तियारले जनाएको छ ।