नागरिक समाज प्रवास दुनिद्वारा एकल महिलालाई आर्थिक सहयोग

हाम्रो बुलेटिन आइतबार २१, मङि्सर २०७७ ०८:१४

नागरिक समाज प्रवास दुनिद्वारा एकल महिलालाई आर्थिक सहयोग

मंसिर २१, अछाम

अप्ठ्यारोमा परेका , गरिब ,असाहय एकल महिलालाई सहयोग गर्न नागरिक समाज चौरपाटी गाउँपालिका -६ दुनीले अभियान थालेको छ । जसअनुसार भारतको मुम्बै शरमा भएका दुनीका स्थायी बासिन्दालाई एकै ठाउँमा आबद्ध गराउने उद्देश्यले नागरिक समाज प्रवास दुनी समेत गठन भएको हो ।

नागरिक समाज दुनीका अध्यक्ष जित बहादुर आउजीका अनुसार साँफेबगर नगरपालिका -१४ भासुका स्वर्गीय गोपाल बोहोरा को श्रिमतिलाई आर्थिक सहयोग गरिएको छ । नागरिक समाज दुनीको नेतृत्व र नागरिक समाज प्रवाश दुनीकका संयोजक सर्जन साउद र उप-संयोजक विक्रम साउदको पहलमा भारत प्रवासबाट उपलब्ध भएको १९ हजार ५ सय रुपैयाँ स्वर्गीय बोहराको श्रीमती मन्जुर बोहरालाई एक कार्यक्रमका बिच हस्तान्तरण गरिएको अध्यक्ष जित बहादुर आउजीले बताए । २४ बर्षको उमेरमा असामयिक निधन भएका बोहराको २० बर्षिया श्रीमती र २ छोराछोरी छन ।