Hamro Bulletin

अछाम जिल्लाको सहायक प्रमखु जिल्ला अधिकारीमा रञ्जन प्रसाद तिमिलसैना सरुवा भएर आएका छन । अख्तियार दुरुपयोग अनुसन्धान आयोग सुदूरपश्चिम प्रदेशको महेन्द्रनगर कार्यालयमा कार्यरत तिमिल्सैना अछाम सरुवा भएर आएका हुन् । 

तिमिल्सैना अछाम पुगेसंगै सोमबार जिल्ला प्रशासन कार्यालय अछाममा हाजिर भएका छन् । यसअघि स्थानिय तहमा समेत काम गरेको अनुभव संगालेका तिमिल्सैनाले अछामको सहायक प्रमुख जिल्ला अधिकारीको जिम्मेवारी पाएका हुन् । कार्यालय हाजिर भएपश्चात सुदूरआजलाई छोटो प्रतिक्रिया दिदैँ तिमिल्सैनाले प्रमुख  जिल्ला अधिकारी  ज्युको नेतृत्वमा सुशासन, पारदर्शिता र जनमैत्री सेवाका पक्षमा आफु सक्रिय भएर काम गर्ने बताए ।  

९ बर्ष अघि सरकारी सेवा प्रबेश गरेका तिमिल्सैनाले राजनीतिक शास्त्र ,जनप्रशासमा स्नातकोत्तर र कानुनमा स्नातक सम्मको अध्यन गरेका छन  ।अछाम जिल्लाको कमलबजार नगरपालिका  वडा नं. १  कुईकामा जन्मेका तिमिल्सैना  अछामको पुर्वी  क्षेत्रका  समाजसुधारक , शिक्षा प्रेमी , साहित्यकार समेत रहेका  प्रभावशाली ब्याक्तित्वका धनी स्वर्गवासी बहिदार देवानन्द तिमिल्सैनाका नाति हुन ।