ट्रक पल्टिदा, ४ जना घाइते, १ को अवस्था गम्भीर

हाम्रो बुलेटिन मङ्गलबार २३, मङि्सर २०७७ १०:३१

ट्रक पल्टिदा, ४ जना घाइते, १ को अवस्था गम्भीर

कैलाली जिल्लाको चुरे गाउँपालिका ६ डुम्रेनीमा मंगलबार ट्रक पल्टिँदा चालकसहित ४ जना घाइते भएका छन् ।

डडेल्धुराको जोगबुढाबाट अत्तरियातर्फ आइरहेको से७ख १२९ नम्बरको ट्रक अनियन्त्रित हुँदा सडकको दाहिने साइडमा पलिटँदा ४ जना घाइते भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।

घाइते हुनेमा डडेल्धुराको परशुराम नगरपालिका ४ बस्ने ट्रक चालक २९ वर्षीय दानबहादुर कामी, सोही ठाउँका १८ वर्षीय दशरथ सिलाल, ३८ वर्षीय नरेन्द्र बोहरा र २० वर्षीय करन कामी रहेका छन् । घाइते करन कामीको सिसाले टाउको काटिएको छ ।

उनको अवस्था गम्भीर रहेको प्रहरीले दिनेशखबरलाई जनाएको छ । घाइते सबैलाई उपचारका लागि अत्तरियाको पद्मा अस्पताल पठाइएको प्रहरीले जनाएको छ ।

ट्रक घटनास्थलमै हुँदा सडक अवरुद्ध रहेको प्रहरीले जनाएको छ । साना सवारी साधन चलेपनि ठूला सवारी चल्न सकेका छैनन् । सडक खुुलाउने कार्य भैरहेको प्रहरीले जनाएको छ ।