अवैध उत्खनन गर्ने ६ जेसिवी प्रहरी नियन्त्रणमा - कंचनपुर
कंचनपुरमा अवैध उत्खनन गर्ने ६ जेसिवी प्रहरीले नियन्त्रणमा लिएको छ । जिल्लाको बेदकोट नगरपालीका वडा न. ३ र ४ मा खोलाबाट मापदण्ड विपरीत नदीजन्य साम्रगीको उत्खननमा प्रयोग भएका ६ वटा जेसीवी सोमबार प्रहरीले नियन्त्रणमा लिएको हो । बगुन खोलामा मापदण्ड विपरीत उत्खननमा प्रयोग भएका जेसिवी प्रहरीले नियन्त्रणमा लिएको हो । अवैध उत्खननमा प्रयोग भएका उपकरण प्रहरीले नियन्त्रणमा लिई वडा प्रहरी कार्यालय महेन्द्रनगरमा राखेको प्रहरीले जनाएको छ।अवैध रुपमा खोलाको उत्खनन गर्नेलाई कानुन बमोजिम कार्बाही गर्ने प्रमुख जिल्ला अधिकारी रामकुमार महतोले बताए ।
नगरपालिकाले ठेक्का दिएका खोलानालाबाट अवैध रूपमा ढुंगा, बालुवा उत्खनन भएपछी प्रशासनले उक्त कदम चालेको जनाइएको छ । वातावरणीय प्रभाव मुल्यांकन प्रतिवेदनअनुसार पुलपुलेसा, कल्भर्ट, नहर, वन, चुरे र तटबन्धको ५ सय मिटरभित्रको क्षेत्रबाट ढुंगा, बालुवा, ग्राभेल र माटो झिक्न नपाइने मापदण्ड निर्धारण गरिएको भएपनी खोलानालामा नियमानुसार अनुसार उत्खनन भएको छैन ।
बेदकोट नगरपालिकाले नदीजन्य सामाग्री उत्खननका लागि वातावरण प्रभाव मुल्यांकन गरेको भएपनि खोलाहरुमा मापदण्ड विपरीत उत्खनन भएको पाइएको छ ।
नगरपालिकाले गरेको वातावरणीय प्रभाव मुल्यांकनमा गहिराई १ मिटर उत्खनन गनुपर्ने प्रावधान रहेको छ तर पनि चुरे फेदमा १ मिटर भन्दा बढी उत्खनन भएको छ । बेदकोट नगरपालिकाले नगरभित्रका खोलामा नदीजन्य सामाग्री उत्खननका लागि अमृत कन्ट्रक्सनलाई रु ८५ लाखमा ठेक्का दिएको हो। अवैध उत्खनन भइरहेको देख्दादेख्दै स्थानीय सरकार भने मौन रहेको छ ।
सम्बन्धित समाचार
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया