ताजा अपडेट
एक अर्ब नाघ्यो गुगल किपको डाउनलोड
गुगल प्लेस्टोरमा गुगल किपको डाउनलोड संख्या एक अर्ब पुगेको छ । डाउनलोड संख्याको पछिल्लो माइलस्टोन (कोशे ढुंगा) सँगै यो एप एन्ड्रोइडको नम्बर वान चेकलिस्ट र नोट टेकिङ (नोट राख्ने) एप बन्न सफल भएको छ ।
गुगल किप एउटा सोलिड एन्ड्रोइड एप हो, जसमा तपाईंले केही कुराको नोट तत्काल टिप्नुका साथै, ग्रोसरी चेकलिस्ट तयार पार्न सक्नुहुन्छ । यो पनि अन्य गुगल एप जस्तै हो, वेबमा यसको सबै ब्याकअप बस्छ र डेटा पनि सिङ्क्रोनाइज हुने गर्दछ ।
तपाईंले गुगल अकाउन्टमा जुनसुकै डिभाइसबाट लग ईन गरेपछि गुगल किपमा रहेको आफ्नो डेटामा एक्सेस पाउन सक्नुहुन्छ । हालै एक अर्ब डाउनलोड संख्या पुरा गरेको यो एप कतिपय एन्ड्रोइड डिभाइसमा भने अगाडि नै इन्स्टल (प्रि इन्स्टल) भएको हुन्छ ।
अघिल्लो वर्ष मात्र यसको डाउनलोड संख्या ५० करोड पुगेको थियो । मात्र २४ महिनामा यो संख्या दुई गुणाले बढेको छ । विश्वव्यापी लकडाउन तथा वर्क फ्रम होम (घरबाटै अफिसको काम गर्ने परिपाटी) का कारण मानिसहरु आफ्नो कार्यभारको रेकर्ड राख्न तथा ट्र्याक गर्न किप प्रयोग गर्दै आइरहेका छन् ।
प्रतिक्रिया