ताजा अपडेट
प्रधानमन्त्री ओली विरुद्ध ‘मुर्दावाद’को नारा लाग्यो नेकपाकै कार्यक्रममा
नेपाल कम्युनिस्ट पार्टी (नेकपा) का अध्यक्ष पुष्पकमल दाहाल र नेता माधव नेपाल समूहको युवा भेलामा प्रधानमन्त्री केपी ओलीविरुद्ध मुर्दावादको नारा लागेको छ ।
प्रदेश १ को राजधानी विराटनगरमा मंगलबार भएको भेलामा केपी ओलीविरुद्ध मुर्दावादको नारा लागेको हो ।
यही समूहका विद्यार्थीको प्रदेशस्तरीय भनिएको भेला ओलीकै गृहनगर झापाको दमकमा सम्पन्न भएलगत्तै विराटनगरमा युवा भेला आयोजना गरिएको हो ।
ओली समूहका युवाको भेला पुस २७ गते मोरङको सुन्दरहरैंचाको गछियामा सम्पन्न भएको थियो । त्यहाँ सहभागीले ओलीको पक्षमा जिन्दावादको नारा लगाएका थिए ।
पार्टी एकता धरापमा पार्दै अस्थिरता सिर्जना गरेको भन्दै कार्यक्रममा सभागी नेताले केपी ओलीको चर्को आलोचना गरे ।
प्रतिक्रिया