नेपालको जनसंख्या ३ करोड नाघ्यो
काठमाडौँ – नेपालको कुल जनसंख्या ३ करोड नाघेको छ । केन्द्रीय तथ्यांक विभागको जनसंख्या घडीअनुसार नेपालको जनसंख्या ३ करोड ६३४ पुगेको हो । राष्ट्रिय जनगणना २०६८ को आधारमा यो जनसंख्या घडी निर्धारण गरिएको हो ।
विश्वमै जनसंख्या घडीको प्रचलन रहेको पाइन्छ । जन्म, मृत्युदर तथा बसाइँसराइँको स्थिति हेरेर जनसंख्या घडी निर्धारण गरिन्छ । अन्तर्राष्ट्रिय यिनै मापनका आधारमा तय गरिएको नेपालको जनसंख्या घडीले नेपालको जनसंख्या आजबाट तीन करोड नाघेको देखाएको हो ।
विभाग स्रोतका अनुसार मध्यजनसंख्या सिद्धान्तको आधारमा हरेक वर्षको जुन २२ लाई आधार बनाएर निर्धारण गरिन्छ । नेपालमा पछिल्लो समय जन्मदर घट्दो क्रममा रहे पनि आन्तरिक बसाइँसराइँ र अन्तरदेशीय बसाइँसराइँले नेपालको जनसंख्या बनोटमा अस्थिर बनेको छ ।
नेपालमा पहिलोपटक विसं १९६८ सालमा जनगणना सुरू भएको थियो । त्यसयता प्रत्येक १० वर्षको अवधिमा राष्ट्रिय जनगणना हुँदै आएको छ ।
अर्को राष्ट्रिय जनगणना आउँदो साल २०७८ मा सम्पन्न गर्ने विभागको योजना रहेको छ । विभागले हरेक जनगणनाको बाह्रौं श्रृंखला २०७८ सालको जेठ २५ देखि असार ८ गतेसम्म सञ्चालन हुने जनाएको छ ।
सम्बन्धित समाचार
ट्रेन्डिङ
ताजा अपडेट
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
प्रतिक्रिया