ताजा अपडेट
कैलालीमा लागुऔषध खैरो हिरोइन सहित २ जना पक्राउ
कैलालीमा लागुऔषध खैरो हिरोइन सहित २ जना पक्राउ परेका छन । जिल्लाको टीकापुरबाट विवस बम र भारतीय नागरिक जसपाल सिंहलाई प्रहरीले पक्राउ गरेको हो । टीकापुर नगरपालिका– ८ खक्रौलामा लागुऔषध खैरो हिरोइन सहित भारतको उत्तर प्रदेश जिल्ला लखिमपुर खिरी सुरतनगर ग्राम पञ्चायत ईन्द्रनगरका ३३ वर्षीय जसपाल सिंहलाई पक्राउ गरिएको जिल्ला प्रहरी कार्यालय कैलालीका प्रवक्ता तथा प्रहरी नायव उपरीक्षक प्रतिक विष्टले जानकारी दिए ।
उनको साथबाट सेतो प्लाष्टिकको पोका २ थान अर्थात् २० ग्राम लागुऔषध खैरो हिरोइन र १ थान लागु औषध नापतौल गर्ने डिजिटल तराजु बरामद गरिएको छ। यसैगरी नगरपालिकाको वडा नम्बर ७ स्थित सोनाहा फाँटा क्षेत्रबाट गौरीगंगा नगरपालिका वडा नम्बर ९ भैसासुरका २२ वर्षीय विवस बमको साथबाट ६ ग्राम लागुऔषध खैरो हिरोइन फेला पारेको प्रवक्ता तथा प्रहरी नायव उपरीक्षक विष्टले बताए । पक्राउ परेका दुवैमाथि लागु औषध शिर्षकमा मुद्दा दर्ता गरी थप अनुसन्धान भइरहेको प्रहरीले जनाएको छ।
प्रतिक्रिया