Hamro Bulletin

नेपाल कम्युनिष्ट पार्टी (नेकपा) को केपी ओली समूहले पुष्पकमल दाहाललाई दिएको कार्यकारी अधिकार फिर्ता गरेको छ।
थप सामग्री  बिहीबार बसेको केन्द्रीय कमिटी बैठकले दाहाललाई दिएको कार्यकारी अधिकार फिर्ता लिने निर्णय लिँदै पूर्ववत रूपमा पहिलो अध्यक्षमा ओली र दाहाल अध्यक्ष मात्र रहने निर्णय गरेको प्रवक्ता प्रदीप ज्ञवालीले बताए।

बैकले समयसामयिक विषयका १६ वटा प्रस्ताव समेत पारित गरेको छ। प्रतिनिधि सभा विघटनविरुद्ध गरिने आन्दोलनको कुनै तुक नरहेको भन्दै परराष्ट्रमन्त्री समेत रहेका ज्ञवालीले जनताको शक्ति जनमतमार्फत् प्रकट हुने बताए।

जनमत जुटाउन छोडेर आन्दोलनको नाममा जनतालाई थप पीडा दिनु जनमतबाट त्रसित हुनु भएको उनको टिप्पणी छ। ज्ञवालीले अब छिट्टै मन्त्रिपरिषद्ले पूर्णता पाउने पनि बताए।

प्रतिनिधि सभा नै नभएको अवस्थामा संसदीय दल नहुने भन्दै उनले संसदीय दलको नेता हुनुको कुनै अर्थ नहुने जिकिर गरे। “कि त साथिहरूले भन्नुपर्‍यो हामी संविधान मान्दैनौं। कमसेकम अदालतको फैसला त पर्खिनुपर्‍यो। यो हिंजो गाउँ गाउँमा जनअदालत बनाएजस्तो मान्छेलाई त्यही जनअदालतले मृत्युदण्ड दिए जस्तो होइन नि।”
थप सामग्री