मन्त्रिपरिषद् पुनर्गठन गर्दै प्रधानमन्त्री ओली : केही बेरमा शपथ

हाम्रो बुलेटिन शुक्रबार १०, पुष २०७७ १८:१९

मन्त्रिपरिषद् पुनर्गठन गर्दै प्रधानमन्त्री ओली : केही बेरमा शपथ

प्रधानमन्त्री केपी शर्मा ओलीले मन्त्रिपरिषद् पुनर्गठन गर्दैछन् । सत्तारुढ नेपाल कम्युनिस्ट पार्टी (नेकपा)मा दुई समूह बनेसँगै पाँच मन्त्रीले राजीनामा दिएका थिए ।

तिनै रिक्त पाँच स्थानमा प्रधानमन्त्री ओलीले आफ्नो समूहका पाँच नेतालाई नियुक्त गर्न लागेका हुन् । बालुवाटार स्रोतका अनुसार प्रभु साह, टोपबहादुर रायमाझी, मणि थापा, दावा तामाङ, र गौरीशंकर चौधरी मन्त्री बन्दैछन् ।

बालुवाटार स्रोतका अनुसार मन्त्रिपरिषद् विस्तार हुँदा प्रभु साह श्रम, मणि थापा पर्यटन, टोपबहादुर रायमाझी ऊर्जा, दावा तामाङ शिक्षा र गौरीशंकर चौधरीले खानेपानी मन्त्रालको जिम्मेवारी पाउने छन् ।

केही बेरमा राष्ट्रपति विद्यादेवी भण्डारीले शीतल निवासमा नयाँ मन्त्रिलाई पद तथा गोपनीयताको शपथ गराउनका लागि तयारी थालिएको छ ।