Hamro Bulletin

खेमराज ओझा पुष १५, २०७७

बान्नीगढी जयगढ गाउँपालिका-६, दर्नामा सञ्चालन भईरहेको पञ्चदेवल युवा सूचना केन्द्र र चौरपाटी गाउँपालिका -६, दुनीमा रहेको जुनतारा युवा सूचना केन्द्रलाई सामग्री हस्तान्तरण गरिएको छ । सेभ द चिल्ड्रेनसँगको साझेदारीमा वाक नेपाल अछामद्वारा सञ्चालित युवा सशक्तिकरण बुलगारी परियोजनाको सहयोगमा सो सामग्री प्रदान गरिएको हो । स्थानीय सरकार र परियोजनाको संयुक्त समन्वयमा स्थापना भएका सूचना केन्द्रको थप सुदृढिकरण र क्षमता विकासका लागि युवा सूचना केन्द्रलाई सामग्री सहयोग गरिएको सेभ द चिल्ड्रेन अछाम जिल्ला परियोजना संयोजक प्रतिमा कुवँरले बताउनु भएको छ ।

त्यसै गरी सो परियोजनाको सहयोगमा चौरपाटी गाउँपालिकालाई कोभिड १९ सँग सम्बन्धित स्वास्थ्य सामग्री पनि हस्तारण गरीएको छ । जम्मा गरी २ लाख ११ हजार ५ शय ३२ रुपैँयाको सामग्री सहयोग हस्तान्तरण गरिएको छ । पञ्चदेवल अनुरा युवा सुचना केन्द्रको सामाग्री हस्तान्तरण मा वडा अध्यक्ष कृष्णबहादुर कडायत रहनु भएको थियो वडा अध्यक्ष कडायत ले सेभ द चिल्ड्रेन, वाक नेपाल , मालिका बिकास,संग लगायत संघ सस्था हरुले युवा हरुको क्षमता बिकास का लागि महत्त्वपूर्ण योगदान गरेको बताउनु भयो आगामि दिनमा पनि युवाहरुलाइ सक्षम बनाउन सहयोग को अपेक्षा गरेको बताउनु भयो । पञ्चदेवल अनुरा युवा सुचना केन्द्र ले जिल्लामा नै नमुना काम गर्दै आइरहेको बताउदै आवश्यक परेमा सहयोग गर्ने बताउनु भयो ।