ताजा अपडेट
बालक दाजुले सल्काएको आगोले लियो बहिनीको ज्यान - बैतडी
बैतडीमा खरमा लगाइएको आगोले पोलेर एक बालिकाको मृत्यु भएको छ।
जिल्लाको सिगास गाउँपालिका वडा नम्बर ३ साउनखेतका मानबीर साउदका ४ वर्षीय छोराले घर पछाडी रहेको खरमा आगो लगाउँदा बालिकाको मृत्यु भएको प्रहरीले जनाएको छ।
जिल्ला प्रहरी कार्यालय बैतडीका अनुसार बालकले लगाएको आगोमा परी साथमा रहेकी उनकै २ वर्षीया बहिनी रेखा साउदको घटनास्थलमै ज्यान गएको हो।
अहिले आगो नियन्त्रण्मा आएको र घरमा सामान्य क्षति भएको स्थानीय मानसिंह साउदले जानकारी गराएका छन्।
स्थानीयले प्रहरीमा खबर गर्नासाथ अनुसन्धानका लागि प्रहरी सहायक निरीक्षक हेमबहादुर शाहको कमाण्डमा टोली घटनास्थलतर्फ गएको प्रहरीले जनाएको छ।
घटनास्थल प्रहरी चौकी गाजरीबाट ४ घण्टाको पैदल दुरीमा रहेको बताइएको छ।
प्रतिक्रिया