ताजा अपडेट
घाइते पत्रकारलाई प्रेस युनियनको साथ
नेपाल प्रेस युनियनले मोटरसाइकल दुर्घटनामा घाइते पत्रकार कृष्ण थापालाई आर्थिक सहयोग गरेको छ ।
नुवाकोटमा पुस २० गते दुर्घटना परी गम्भीर घाइते भएका थापाको उपचारका लागि युनियन युरोप शाखाले उठाएर पठाएको रु ३१ हजार आज हस्तान्तरण गरिएको हो । युनियन युरोपका संयोजक सञ्जयभक्त कँडेलको अगुवाईमा सङ्कलित उक्त रकम आज युनियनका महासचिव अजयबाबु शिवाकोटी र केन्द्रीय सदस्य युवराज गौतमले घाइते पत्रकार थापाकी श्रीमतीलाई हस्तान्तरण गरे ।
युनियन रसुवाका पूर्वअध्यक्ष एवं कान्तिपुर सम्वाददातासमेत रहेका घाइते पत्रकार थापाको राष्ट्रिय ट्रमा सेन्टरमा उपचार भइरहेको छ । युनियनले आर्थिक अवस्था कमजोर भएका थापाको उपचारमा सहयोग गर्न सबैलाई आग्रह गरेको छ । घाइते पत्रकार थापाको आगामी मङ्गलबार खुट्टाको शल्यक्रिया हुँदैछ।
प्रतिक्रिया