Hamro Bulletin

नेपाली काँग्रेसले आज शनिबार मुलुकका ३ सय ३० प्रदेशसभा निर्वाचन क्षेत्रमा बिरोध प्रदर्शन गर्ने भएको छ । प्रधानमन्त्री केपी शर्मा ओलीले गरेको प्रतिनिधिसभा विघटनको असंवैधानिक र अलोकतान्त्रिक कदमबिरुद्ध काँग्रेसले दोस्रो चरणको आन्दोलनअन्तर्गत उक्त कार्यक्रम गर्न लागेको हो ।

जसअन्तर्गत ललितपुर जिल्लाको निर्वाचन क्षेत्र नं.१.प्रदेश सभा (क) को बिरोध प्रदर्शन गोदावरी पार्टी कार्यालय टौखेलमा बिहान ८ बजे भेला र मोतिचौरमा सभा हुने छ । प्रदेश सभा (ख) को बिहान साढे १० बजे टाहाखेल चौतारामा भेला हुने र सभा हुने स्थान चापागाउँ पुरानो बसपार्क रहेको छ ।

क्षेत्र नं.२.प्रदेश सभा (क) को बिरोध प्रदर्शन इमाडोल कृष्ण मन्दिरमा बिहान ८ बजे र (ख) को भेला हुने बिहान ११ बजे गा:बहालमा र सभा हुने ठाउँ सुन्धारा रहेको छ । क्षेत्र नं. ३.प्रदेश सभा (क) को बिरोध प्रदर्शन बिहान ८ बजे बटुक भैरव र सभा हुने खुमलटार तोकिएको छ । त्यसैगरी (ख) को बिरोध प्रदर्शन बिहान ८ बजे नख्खुमा हुने छ ।

काठमाडौमा नेपाली काँग्रेसले क्षेत्र नं. १ प्रदेश सभा (क) को बिरोध प्रदर्शन कार्यक्रमअन्तर्गत १२ बजे बिजुली बजारमा भेला हुने र १ बजे एभरेस्ट होटलअगाडि नयाँ बानेश्वरमा सभा गर्नेछ । त्यसैगरी,प्रदेश सभा (ख) को बिरोध प्रदर्शन कार्यक्रमअन्तर्गत पौने ११ बजे कात्यायनी चोकमा भेला हुने र देउराली क्लव अगाडि सभा हुने छ ।

क्षेत्र नं. २ .प्रदेश सभा (क) को कान्तिपुर टेलिभिजन अगाडि साढे २ बजे बिरोध प्रदर्शन कार्यक्रम छ भने प्रदेश सभा (ख) को बिरोध प्रदर्शन राधाकृष्ण मन्दिर थलीमा दिउँसो सवा बाह्र बजे हुनेछ । त्यसैगरी, क्षेत्र नं. ३ प्रदेश सभा (क) को बिरोध प्रदर्शन कार्यक्रम बौद्ध पिपल बोटमा दिउँसो साढे १२ बजे राखिएको छ । (ख) को बिरोध प्रदर्शन गोकर्णेश्वर,भगवती थानमा दिउँसो १ बजे हुने बताइएको छ ।

क्षेत्र नं. ४ प्रदेश सभा (क) को बिरोध प्रदर्शन कार्यक्रम सिफल चौरमा ११ बजे भेला भई चाबहिल स्तुपामा बिरोध सभा हुनेछ । प्रदेश सभा (ख) को बिरोध प्रदर्शन कार्यक्रम १ बजे ह्याण्डबल ग्राउण्ड कपनमा राखिएको छ ।

क्षेत्र नं. ५ प्रदेश सभा (क) को बिरोध प्रदर्शन कार्यक्रम सवा १२ बजे विशालनगरमा भेला भई सरस्वतीस्थान,लाजिम्पाटमा बिरोध सभा हुनेछ । प्रदेश सभा (ख) को बिरोध प्रदर्शन कार्यक्रमको लागि सवा १२ बजे बसुन्धारामा भेला भई १ बजे चपलीस्थित ध्रुवतारा स्कूलअगाडि बिरोध प्रदर्शन हुनेछ ।

क्षेत्र नं. ६ प्रदेश सभा (क) को बिरोध प्रदर्शन कार्यक्रम २ बजे भृकुटी मण्डपमा र प्रदेश सभा (ख) को बिरोध प्रदर्शन कार्यक्रम जाल्पा चोक,टोखामा १२ बजे राखिएको छ । त्यसैगरी, क्षेत्र नं.७ प्रदेश सभा (क) को बिरोध प्रदर्शन कार्यक्रम दिउँसो १ बजे क्षेत्रपाटी चोकमा र प्रदेश सभा (ख) को बिरोध प्रदर्शन कार्यक्रम पुरानो गुह्येश्वरी मन्दिर,तारकेश्वर ४ मा दिउँसो १ बजे तय गरिएको छ ।

क्षेत्र नं. ८ प्रदेश सभा (क) को बिरोध प्रदर्शन कार्यक्रमअन्तर्गत साढे १२ बजे जोर गणेशमा भेला हुने र ओमबहाल चोकमा साढे १२ बजे बिरोधसभाको कार्यक्रम राखिएको छ । प्रदेश सभा (ख) को बिरोध प्रदर्शन कार्यक्रम साढे १ बजे भगवान पाउ, स्वयम्भूमा राखिएको छ । क्षेत्र नं. ९ प्रदेश सभा (क) को बिरोध प्रदर्शन कार्यक्रम साढे १२ बजे टेकुमा भेला हुने र जैसीदेवलमा सभाको आयोजना गरिएको छ ।

त्यस्तै प्रदेश सभा (ख) को बिरोध प्रदर्शन कार्यक्रम साढे १२ बजे स्युचटारमा भेला हुने र शालिक चोकमा साढे १२ बजे सभा हुनेछ । क्षेत्र नं. १० प्रदेश सभा (क) को बिरोध प्रदर्शन कार्यक्रम झम्केश्वरी प्राङ्गणमा दिउँसो १ बजे राखिएको छ । प्रदेश सभा (ख) को बिरोध प्रदर्शन कार्यक्रम थानकोट, इमाखेलमा २ बजे हुने जनाइएको छ ।

उता भक्तपुर जिल्लाको क्षेत्र नं. १ प्रदेश सभा (क) को बिरोध प्रदर्शन कार्यक्रम चानपा ३ झौखेलमा बाह्र बजे हुनेछ । प्रदेश सभा (ख) को बिरोध प्रदर्शन कार्यक्रम दूधपाटीमा बिहान एघार बजे रहेको छ । क्षेत्र नं. २ प्रदेश सभा (क) को बिरोध प्रदर्शन कार्यक्रमअन्तर्गत साढे १ बजे कौशलटारमा भेला हुने र २ बजे बालकोटमा बिरोध सभा राखिएको छ । प्रदेश सभा (ख) को बिरोध प्रदर्शनअन्तर्गत बाहाखा बजारमा साढे ११ बजे भेला गरेर बोडे चोकमा बिरोध सभा गर्ने जनाइएको छ ।