बिभाजनको पीडा पत्रकारमा पनि
प्रधानमन्त्री केपी शर्मा ओलीले प्रतिनिधिसभा विघटन गरेर आगामी बैशाखमा दुई चरणको निर्वाचन मिति तोकेपनि निर्वाचन हुने पूर्ण सम्भावना देखिएको छैन । यता पत्रकार महासंघमा भने आफ्नै चुनावी रन्को शुरु भइसकेको छ । प्रधानमन्त्रीको गृह जिल्ला झापामा रहेका २ सय ५३ जना सदस्यमध्ये बालुवाटार निकट भनेर डेढ दर्जन खुलिसकेका छन् ।
बाँकी सदस्यमध्ये काँग्रेस र नेकपा प्रचण्ड–माधव पक्षमा लागेका छन् । नेकपाको झापा जिल्ला संयोजक माधव नेपाल पक्षधर छन् भने पत्रकार महासंघको जिल्ला संयोजक पूर्व माओवादी निकट हुन् । गणेश पोखरेलको स्पष्ट बोल्ने बानीका कारण झापामा पत्रकारहरू ओली समूहतिर कम देखिएको स्रोतको दाबी छ ।
उता,रूपन्देहीमा भने ओली पक्षका पत्रकारहरू अन्यत्रको तुलनामा अलि बढी देखिएको महासंघ स्रोतले बताएको छ । बैशाखको लागि घोषणा गरिएपनि सँसदीय निर्वाचनमा कसले,कहाँ सजिलै जित हात पार्न सक्छन् भनेर नेकपा ओली समूहमा जोड घटाउ हुन थालेको छ । उनीहरूले कन्फर्म जित्ने सिट भएका निर्वाचन क्षेत्रको प्रारम्भिक सूची बनाउँदै गरेका हुन् ।
बालुवाटारको निचोडमा हुम्ला,रोल्पा,रुकुम,बर्दियामा पूर्व माओवादीको पकड कायम रहन्छ । गुल्मी–२ मा गोकर्ण बिष्टले जिते पनि परराष्ट्र मन्त्री प्रदिप ज्ञवालीलाई सहज छैन । रूपन्देहीमा अर्थमन्त्री विष्णु पौडेललाई पनि ढुक्कको अवस्था नरहेको प्रारम्भिक निचोड निकालिएको छ ।
सम्बन्धित समाचार
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया