Hamro Bulletin

राष्ट्रिय जनगणना २०७८ का लागि सरकारले ३९ हजार गणक र आठ हजार सुपरिवेक्षक करारमा नियुक्त गर्ने भएको हो । जनगणनाका लागि केन्द्रीय तथ्यांक विभागले कूल ४७ हजार जनशक्ति माग गरेको हो । 

इच्छुकले आगामी चैत ११ गतेसम्म अनलाइन दरखास्त फाराम भर्न सक्ने छन् । आइतबार राष्ट्रिय योजना आयोगका सचिव केवलप्रसाद भण्डारीले अनलाइनबाटै दरखास्त दिन मिल्ने अनलाइन पोर्टलको शुरू गरेका हुन् ।

दरखास्त फारामका लागि कुनै शुल्क नलाग्ने केन्द्रीय तथ्यांक विभागले जनाएको छ । अनलाइनको पहुँचमा नहुनेहरुका लागि विभागले चैत १ गतेदेखि प्रत्येक प्रदेश र जिल्ला जनगणना कार्यालय खोल्ने र चैत महिनाको ५ गतेदेखि चैत ११ गतेसम्म दरखास्त फाराम सम्बन्धित प्रदेश र जिल्ला कार्यालयमा बुझाउन सकिने बताइएको छ । 
सुपरिवेक्षकका लागि न्यूनतम शैक्षिक योग्यता स्नातक तह वा सो सरह उत्तीर्ण गरेको हुनु पर्नेछ । भने १८ वर्ष पूरा भई ४० वर्ष ननाघेको र महिलाको हकमा ४५ वर्ष ननाघेका नेपाली नागरिकले दरखास्त दिन सक्ने छन् ।

गणकका लागि न्यूनतम शैक्षिक योग्यता १०‌+२ वा सो सरह उत्तीर्ण गरेको हुनुपर्नेछ । भने १८ वर्ष पूरा भई ४० वर्ष ननाघेका र महिलाको हकमा ४५ वर्ष ननाघेकाले आवेदन दिन सक्ने छन् ।

अनलाइन दरखास्त फाराम तथा अन्य जानकारी लिन यहाँ क्लिक गर्नुहोस् ।