ताजा अपडेट
आगलागी बाट अछाममा तीन घर जलेर नष्ट
अछाममा आगलागी बाट ३ घर जलेर नष्ट भएका छन् । जिल्लाको साफेबगर नगरपालिका वडा नम्वर ११ देविस्थानको धामि गाउँमा स्थानीयका ३ ओटा घरहरु आगो लागेर नष्ट भएका हुन ।
स्थानीय नवल सिह धामि, टंक धामि र दिपक धामिका घरमा आगो लाग्दा जलेर नष्ट भएका वडा अध्यक्ष गणेश बहादुर खड्काले जानकारी दिनुभयो ।
भुसको छानो फाल्ने क्रममा बच्चाले आगो लगाउदा सल्किएको र अन्य घरमा समेत आगो लागेको बताईएको छ। आगो लाग्दा घरमा रहेका लुगा कपडा जम्मा गरिखिएको अन्न, भाडाकुडा नष्ट भएका वडा अध्यक्ष खड्काले बताउनुभयो ।
स्थानीयको सहयोगमा आगो नियन्त्रणमा लिईएको छ भने आगलागी बाट अन्दाजी ३ लाख भन्दा बढि क्षति भएको वडा अध्यक्ष खड्काले बतानुभयो । आगलागीबाट मानवीय कुनै क्षति भएको छैन।
प्रतिक्रिया