पाँच महिनादेखि विद्युत अवरुद्ध हुँदा बाटुलासेनबासी अन्धकारमा बस्न बाध्य

धिरज कुँवर बुधबार १७, असार २०७७ १९:००

पाँच महिनादेखि विद्युत अवरुद्ध हुँदा बाटुलासेनबासी अन्धकारमा बस्न बाध्य

धिरज कुँवर (अछाम )
रामारोशन गाउँपालिका -४ बाटुलासेनमा रहेको ग‍ोगन छडा लघु जलविद्युत परियोजना पाँच महिनादेखि बन्द भएको छ । सो परियोजनामा रहेको ट्रान्समिटर बिग्रिदा पाँच महिनादेखि विद्युत अवरुद्ध भएको स्थानीयले बताएका छन् ।

स्थानीय पुष्प बिष्टका अनुसार विद्युत अवरुद्ध हुँदा १२० भन्दा बढि घरधुरि अन्धकारमा बस्न बाध्य भएका छन् । 'रामारोशन गाउँपालिका ४ बाटुलासेनको भेर्गाउमा रहेको ट्रान्सर्फमरमा समस्या अाए पछि विद्युत अवरुद्ध भएको हो 'विष्टले भने ,'लामो समय देखि गाउँमा बिजुली नहुँदा नहुदा स्थानीयलाई लकडाउनको बेला दैनिकी काम गर्न गाह्रो भएको छ । विद्यालयमा रहेका क्वारेन्टाइनमा पनि असर परेको छ।' यो बिषयमा स्थानीय सरकार र सो परियोजनाको कार्यालयमा पटकपटक विद्युत मर्मतका लागि पहल गरि दिन आग्रह गरे पनि कसैले वास्ता नगरेको बिष्टले बताउनुभयो ।