Hamro Bulletin

नेपाल शिक्षक संघ चौरपाटी गाउँपालीका को तेस्रो प्रतिनिधि भेला बिभिन्न निर्णय गर्दै सम्पन्न भएको छ । शिक्षसंघ चौरपाटिका अध्यक्ष कृष्णबहादुर खड्काको अध्यक्षता मा बसेको बैठक का प्रमुख अतिथी नेपाली कांग्रेसका पुर्ब पार्टी सभापति मेघाराज खड्का रहनु भएको थियो । बिशिस्ट अतिथिमा शिक्षक संघ अछामका संघिय प्रतिनिधि प्रेम बहादुर कुंवर र नेपाली कांग्रेस अछामका जिल्ला सदस्य दिप बहादुर कुंवर रहनु भएको थियो । प्रमुख अतिथीको आसन बाट बोल्नु हुदै पुर्ब पार्टी सभापति खड्काले समाज परिवर्तन को बहाक र जिम्मेवार शिक्षकहरुलाइ राज्यले उचित सम्मान दिन नसकेको दुखेसो गर्नु भयो ।

कतिपय गलत प्रवृत्ति का शिक्षकहरुका कारण सम्पुर्ण गुरुहरु अपमानित हुनु परेको ले शिक्षकहरुले नैतिकता वान र जिम्मेवार हुनुपर्ने बताउनु पर्ने भयो । साथै अर्को प्रसंगमा पुर्ब सभापति खड्काले नेपालको इतिहासमा कम्न्युस्ट सरकारले कहिल्यै पनि निर्वाचन गराउन नसकेको र घोषित निर्वाचन पनि नहुने बताउनु भयो । त्यस्तै बिशिस्ट अतिथी प्रेम बहादुर कुवंरले आस्थाका आधारमा शिक्षक माथी भेदभाव गर्नु स्थानीय सरकारको गम्भीर गल्ती भएको बताउनु बएको छ साथै शिक्षक र ब्यस्थापन समितिको सहमती बिना गरिने सरुवा को बिरुद्द्मा संघ र संगठन नभनी एकजुट भएर लाग्नु पर्ने बताउनु भएको छ ।

भेलामा नेपालि कांग्रेस चौरपाटीका सभापति गणेश शाह, चौरपाटि गाउँपालिका उपाध्यक्ष माया कुंवर , शिक्षक महांसंघ चौरपाटीका अध्यक्ष बम बहादुर शाह महिला शिक्षक समाजका जिल्ला सदस्य सरस्वती धामी लगायत ले मन्तव्य राख्नु भएको थियो । भेलाले शैक्षिक गुणस्तर वृद्धि र पेसागत शुरक्षामा कटिबद्ध हुने निर्णय गरेको भेलाले बिद्यालय कर्मचारी र बालबिकासका शिक्षिका को तलब वृद्धि गर्न संबंधित निकायलाई माग गर्ने निर्णय गरेको छ । शिक्षसंघ चौरपाटिका उपाध्यक्ष जगदिश खड्काको स्वागत मन्तव्य बाट सुरु भएको सञ्चालन सचिव देवबहादुर साउँदले गर्नु भएको थियो ।