ताजा अपडेट
सिएएस अवार्डको मनोनयनमा नेपाली फिल्म ‘सेल्फी किङ’
नेपाली फिल्म ‘सेल्फी किङ’ विश्वप्रख्यात संस्था सिनेमा अडियो सोसाइटीले आयोजना गर्ने सिएएस अवार्डको मनोनयनमा परेको छ । नेपाली फिल्म सेल्फी किङ ५७औँ सिएसएस अवार्डको ‘बेस्ट साउन्ड मिक्सिङ’ विधाको मनोनयनमा यो फिल्म परेको हो ।
यो विधामा सेल्फी किङले फिल्म नमडल्याण्ड, साउन्ड अफ मेटल, टेनेट, मुलानलगायत फिल्मसँग प्रतिस्पर्धा गर्नेछ । ओस्कार दाबेदार फिल्महरुसँग सेल्फी किङले प्रतिस्पर्धा गर्न पाउनु एकदम खुसीको कुरा भएको निर्माण पक्षले बताएको छ ।
अवार्ड कार्यक्रम २०२१ को अप्रिल १७ मा क्यालिफोर्नियाको लस एन्जलसमा हुनेछ । सेल्फी किङ विशाल सापकोटा निर्देशित फिल्म हो । यसमा उत्तम न्यौपानेको साउन्ड डिजाइन छ ।
प्रतिक्रिया