ताजा अपडेट
विद्यार्थी साहित्य प्रतिष्ठानको २२ औँ वार्षिक उत्सव सम्पन्न, विभिन्न व्यक्तिहरु सम्मानित
विद्यार्थी साहित्य प्रतिष्ठान कैलाली बहुमुखी क्याम्पसको २२ औ वार्षिक उत्सव सम्पन्न भएको छ । मंगलबार एक कार्यक्रमका विच प्रतिष्ठानले क्याम्पसको सभाहलमा २२ औ वार्षिक उत्सव सम्पन्न गरेको हो । कार्यक्रमको उद्घाटन कैलाली बहुमुखी क्याम्पसका प्रमुख प्रा.डा पदमराज जोशीले गरेका हुन ।
उद्घाटन कार्यक्रममा बोल्दै प्रमुख अतिथी जोशीले प्रतिष्ठानले निकै नै महत्वपुर्ण कामहरु गर्दै आएको बताउदैँ प्रशंसा गरेका थिए । क्याम्पसमा विभिन्न प्रतिभा भएका व्यक्तिहरु आउने भएकोले त्यस्ता व्यक्तिको प्रतिभा उजागर गर्न विद्यार्थी साहित्य प्रतिष्ठानले महत्वपुर्ण भुमिका खेलेको उनले बताए ।
फरक प्रसंगमा बोल्दै प्रमुख जोशीले कैलाली बहुमुखी क्याम्पस सुदूरपश्चिमाञ्चल विश्वविद्यालयमा समायोजन भए पनि पढाईको गुणस्तरमा कुनै पनि फरक नपर्ने स्पष्ट पारेका छन । आफुहरुले पढाईको गुणस्तरलाई अझै यहाँ भन्दा राम्रो बनाउदैँ लैजाने प्रयास गर्ने प्रा.डा जोशीले प्रतिबद्धता जनाएका छन । विद्यार्थी साहित्य प्रतिष्ठानकी अध्यक्ष सत्य उपाध्यायले यो बर्ष विगतका बर्षको जस्तो कार्यक्रम गर्न नसकिएको बताएकी छन । उनले भनिन्,'कोरोना संक्रमणका कारण खुल्ला ठाउँमा वा क्याम्पसको प्राङ्गणमा कार्यक्रम गर्न सकिए, त्यसैले क्याम्पसको सभाहलमा गरेका हौँ ।' प्रतिष्ठानले विगतका बर्षहरुमा क्याम्पसको प्राङ्गणमा भव्य कार्यक्रम गर्दै आएको थियो ।
यस्तै प्रतिष्ठानले लिलानाथ साहित्य पुरस्कारद्धारा विभिन्न व्यक्तिलाई सम्मान गरेको छ । लिलानाथ साहित्य पुरस्कार डाक्टर टिएन जोशी, युवा पुरस्कार शैलेन्द्र रोकाया, पत्रकार सम्मान रेडियो धनगढीका कार्यकारी निर्देशक हरि जोशी र सांस्कृतिक सम्मान गुणाकर पनेरुलाई प्रदान गरिएको छ ।
यस्तै लिलानाथ शिक्षा सम्मान कैलाली बहुमुखी क्याम्पसका डाक्टर गोविन्दराज जोशी र महेश प्रसाद गुप्तालाई प्रदान गरिएको छ । वार्षिक उत्सव कार्यक्रममा विद्यार्थीहरुले विभिन्न प्रतिभाहरु समेत प्रस्तुत गरेका थिए । भने कार्यक्रमको सञ्चालन प्रतिष्ठानका महासचिव यमराज जोशीले गरेका हुन ।
प्रतिक्रिया