ताजा अपडेट
वार्षिकोत्सवको अवसरमा दारी ग्याङ धनगढीद्वारा शैक्षिक सामग्री वितरण
दारी ग्याङ धनगढीले आफ्नो पाँचौ वार्षिकोत्सवको अवसरमा धनगढीको एक विद्यालयमा शैक्षिक सामग्री वितरण गरेको छ।
बिहीबार दारी ग्याङ कोरियाको सहयोगमा धनगढी उपमहानगरपालिका–११ बेलामा रहेको दक्षिणकाली आधारभुत विद्यालयका ७५ जना विद्यार्थीहरुलाई शैक्षिक सामग्री हस्तान्तरण गरिएको दारी ग्याङ धनगढीका संयोजक दिनेश बोहराले बताए।
उनका अनुसार विद्यार्थीहरुलाई कपी, कलम लगायतका शैक्षिक सामग्रीहरु वितरण गरिएको हो।
दक्षिणकाली आधारभुत विद्यालयका प्रधानाध्यापक सिताराम चौधरीले शैक्षिक सामग्रीको अभाव भएका बेला दारी ग्याङले गरेको सहयोगप्रति आभार प्रकट गरेका छन्। साथै उनले विद्यालयलाई भौतिक संरचनाको समेत आवश्यकता रहेको भन्दै सबैमा सहयोग गर्न आग्रह गरेका छन्।
आज देशभर दारी ग्याङले आफ्नो पाँचौ वार्षिकोत्सव मनाएका छन्। ‘गालामा दारी, काँधमा जिम्मेवारी’ नारासहित २०७३ मा स्थापना भएको दारी ग्याङ एक फेसबुक समूह हो।
दारी पाल्ने व्यक्तिलाई हेर्ने गरेको गलत दृष्टिकोणलाई हटाउने उदेश्यका साथ उक्त समूहको स्थापना भएका बताइन्छ।
प्रतिक्रिया