ताजा अपडेट
अछाममा निर्वाचन आचारसंहिता सम्बन्धि कार्यक्रम सम्पन्न
फागुन ६ , अछाम
पाँचौ निर्वाचन दिवसको अवसरमा जिल्ला निर्वाचन कार्यालय अछामले जिल्लाका सरोकारवालासंग बृहत अन्तरक्रिया गरेको छ । निर्वाचन आचारसंहिता कार्यन्वयनमा सरोराकारवालाको भूमिका बिषयक अन्तरक्रिया कार्यक्रममा सहभागि सरोकारवालाले कार्यक्रमको प्रशंसा गर्दै निर्वाचन भईहाले निर्वाचन आचारसंहिता प्रभावकारी ढंगले कार्यन्वयन गर्नुपर्नेमा जोड दिएका छन ।
नेपालमा चुनावी आचारसंहिता बनाउने तर त्यसको कार्यन्वयन नहुुँदा विभिन्नि खालका समस्याहरु देखिने गरेकाले त्यसले निष्पक्ष निर्वाचनमा असर गरिरहेकाले चुनावको समयमा आचारसंहिता पालन नगर्ने पार्टि, कर्मचारी, पत्रकार, नागरिक जोकोहीलाई पनि कडा कार्बाही गर्नुपर्नेमा जोड दिएका थिए । कार्यक्रममा सुझाव दिदै नेपाली काँग्रेसका प्रवक्ता वेदप्रकाश तिमिलसैनाले जिल्ला निर्वाचन कार्यालय अछामले चुनावि आचारसंहिता पालन नगर्नेलाई कार्बाहीको प्रक्रिया अगाडि बढाउनुपर्ने बताउनुभएको छ ।
आचारसंहिता पालन नगर्ने उमेदवारको उमेदवारी खारेज गर्नसमेत निर्वाचन आयोगलाई सुझाव दिनुभएको छ आवाज कार्यक्रममा बोल्ने अन्य सहभागिहरुले पनि यसै कुरामा जोड दिदै सबै दलका नेताहरुलाई समान किसिमको व्यवहार गर्नुपर्नेमा जोड दिएका थिए । प्रमुखजिल्ला अधिकारी गोकर्ण प्रसाद उपाध्यायको अध्यक्षतामा भएको कार्यक्रममा बोल्दै जिल्ला समन्वय समिती अछामका प्रमुख नर बहादुर कुवरले अब हुने भनिएको निर्वाचन भईहाले सफल पार्न आम सरोकारवालाले आ–आफ्नो क्षेत्रबाट सकारात्मक सहयोग गर्नुपर्नेमा जोडदिनुभयो । लोकतन्त्रको सुन्दर पक्ष नै निर्वाचन भएकाले सर्वोच्चले निर्वाचनको घोषणा गरेमा सबै जिल्लाबासीले चुनाव सफल पार्न जुट्नु पर्ने समन्वय प्रमुख कुवँरले बताउनुभयो ।
कार्यक्रममा सहभागि सरोकारवालाले उठाएका प्रश्नको जवाफ दिदै जिल्ला निर्वाचन कार्यालय अछामका प्रमुख सुबोध कुमार महतोले सरोकारवालाले दिएको सुझावकै आधारमा जिल्ला निर्वाचन कार्यालय अछामले आफ्ना गतिविधि अगाडी बढाईरहेको र आगामी दिनमा चुनावी आचारसंहिता प्रभावकारी ढंगले कार्यन्वयन भए नभएको मसिनो ढंगले अनुगमन गरिने र कार्यन्वयन नभएको पाईए कार्बाहीको प्रक्रिया अगाडि बढाउने प्रतिबद्धता जनाउनु भएको छ । सहभागि सरोकारवालाले निर्वाचन कार्यालयले सञ्चालन गरेका गतिविधिमा आ आफ्नो क्षेत्रबाट सहयोग गर्ने प्रतिबद्धता जनाएका थिए ।
प्रतिक्रिया