Hamro Bulletin

अछाममा बनको क्षेत्र बढेको छ । डिभिजन बन कार्यालय अछामका अनुसार पछिल्लो केहि बर्ष यता जिल्लाका बनको क्षेत्र बढेको हो । २०७२ सालमा ५७ प्रतिशत बनक्षेत्र रहेको अछाममा ५ बर्षको ५ प्रतिशत बढेर ६२ प्रतिशतले बन क्षेत्र बढेको बन डिभिजन कार्यालय अछामका प्रमुख नारायण देब भट्टराईले जानकारी दिनु भयो ।

बन डढेलो नियन्त्रण सम्बन्धी कार्यक्रममा भट्ट्राईले अहिले नाङ्गा रहेका डाडाँहरुमा रहेमा समेत बृक्षारोपका कारण हरियाली देखीन थालेको बताउनु भयो । बनको सरक्षण सम्बर्दन र उपयोग गर्ने अधिकार अब स्थानीय सरकारको रहेकाले यो समय बन डढेलो लाग्ने समय भएकाले स्थानीय सरकारले बिषेश ध्यान दिनु आवश्यक रहेको उहाले बताउनु भयो । सुचना प्रवाह गरेर आम नागरिकलाई बन डढेलो सम्बन्धी जानकारी दिन समेत सचारकर्मीहरुलाई भट्टराईले आग्रह गर्नु भयो ।

बन ऐन अनुसार बनमा डढेलो लगाउने वा आगलागी हुने कार्य गर्नेलाई नोक्सान भएको काठपात बिगो असुल गरी थप १० हजार जरिवाना वा एक बर्ष वा दुबै सजाय हुनसक्ने व्यवस्था रहेको छ । स्थानीय सरकार सचालन ऐन २०७४ अनुसार पालिकाको काम कर्तव्य र अधिकार अन्र्तगत सामुदायिक बन,गा्रमीण तथा शहरी बन,धार्मिक बन,कबुलियती बन र साझेदारी बनको संरक्षण, सम्बर्दन, उपयोग अनुगमन र नियमन तथा बन उपभोक्ता समुहको व्यवस्थापन गर्ने अधिकार स्थानीय सरकारकालाई रहेको छ ।

बन डिभिजन कार्यालय अछामले जंगली जनावरबाट पिडित व्यक्तिहरुलाई क्षतिपुर्ति उपलब्ध गराउने गरेको छ । बन कार्यालयले गत बर्षको मसिर देखि यो बर्षको भदौसम्म जगली जनावरबाट क्षति भएका ३२ जनालाई राहत उपलब्ध गराएको हो । २४ जनाको पशु,३ जनाको तरकारी बाली नष्ट,५ जनाको मानबिय क्षति भएकाहरुलाई राहत क्षतिपुर्ति उपलब्ध गराईएको बन कार्यालयले जनाएको छ ।