झापामा स्थानीयले बनाए प्रदेशकै ठूलो महादेवको प्रतिमा

देवेन्द्र किशोर ढुंगाना मङ्गलबार ०३, चैत २०७७ १९:१०

झापामा स्थानीयले बनाए प्रदेशकै ठूलो महादेवको प्रतिमा

झापा चैत्र ३

बिर्तामोड–१ स्थित पञ्चकन्यामा ३८ लाख रुपैयाँको लागतमा २७ फिटको शिवको प्रतिमा निर्माण गरिएको छ । प्रदेश नं १ कै सबैभन्दा ठूलो र आकर्षक शिव प्रतिमाको महाशिवरात्रिका अवसरमा यही फागुन २७ गते अनावरण गरिने छ । स्थानीय समुदायको लगानी र व्यवस्थापनमा महादेवको प्रतिमा स्थापना गरिएको आज पत्रकार सम्मेलनमार्फत जानकारी गराइएको हो ।

नौ फुट अग्लो आधारस्थल बनाएर त्यसमाथि बनाइएको शिवको प्रतिमा कला र सौन्दर्यका हिसाबले प्रदेश नं १ कै उत्कृष्ट र भव्य रहेको निर्माण समितिका संयोजक दीपक दाहालले जिकिर गरे ।प्रतिमाको भित्री भाग फलामे फ्रेमबाट बनेको र आवरणमा फाइबर प्रयोग गरिएको छ । प्रतिमासँगै निर्माण समितिले पूर्वपश्चिम राजमार्गसँग जोडेर प्रवेशद्वार पनि बनाएको छ ।

प्रतिक्रिया

सम्बन्धित समाचार

Hamro Bulletin