ताजा अपडेट
अब एक दिनमा कनेक्ट आईपीएसमार्फत २० लाखसम्म काराेबार गर्न सकिने
नेपाल क्लियरिङ हाउस लिमिटेडले कनेक्ट आईपीएसमार्फत् हुने कारोबारकाे सीमा बढाएको छ । कम्पनीले आफ्नो वेब र माेबाइल एप दुवै प्लेटफर्मबाट हुने प्रतिदिनको कारोबार सीमा बढाएको हो । कम्पनीले वेबसाइटबाट एक दिनमा २० लाख र मोबाइल एपबाट दुई लाख रूपैयाँसम्म काराेबार गर्न सकिने बनाएकाे छ ।
त्यस्तै एकपटकमा वेबसाइटबाट काराेबार गर्दा १० लाख र माेबाइल एपबाट काराेबार गर्दा एक लाख रूपैयाँ सीमा ताेकिएकाे छ । अनलाइन भुक्तानीको प्रयाेग बढ्नुका साथै राम्रो प्रतिक्रिया आएका कारण राष्ट्र बैंकको निर्देशिकामा आधारित रहेर कम्पनीले कारोबार सीमा बढाएको हाे ।
नयाँ कारोबार सीमा परिवर्तन कनेक्ट आईपीएसले लागू गरिसकेको छ । परिवर्तित कारोबार सेवा कम्पनीका जोकोही सेवाग्राहीले प्रयोग गर्न सक्छन् ।
यस्तै शेयर बजार, ब्रोकर तथा क्यापिटल मार्केटका लागि कनेक्ट आईपीएसले करिब ७ महिनाअघि तय गरेको प्रतिदिनको एक करोड कारोबार सीमालाई पनि कम्पनीले निरन्तरता दिएको छ । यसअघि शेयर बजार कारोबारका लागि प्रतिदिनको कारोबार सीमा १० लाख रुपैयाँ थियो ।
प्रतिक्रिया