गौतम जाने, खनाल-नेपालको बहिस्कार, एमाले केन्द्रीय समिति र संसदीय दलको बैठक
सत्तारुढ नेकपा एमालेको केन्द्रीय समिति र संसदीय दलको बैठक आज बस्दैछ । पार्टी अध्यक्ष तथा प्रधानमन्त्री केपी शर्मा ओलीले बिहान १० बजेका लागि संसदीय दल र त्यसपछि केन्द्रीय समिति बैठक डाकेका छन् ।
प्रधानमन्त्रीको सरकारी निवास बालुवाटारमा बैठक आयोजना गरिएको छ । बिहान १० बजे संसदीय दलको बैठक बसेर त्यसपछि केन्द्रीय समितिको बैठक गर्ने ओलीको तयारी छ ।
बैकका लागि पार्टीका सबै केन्द्रीय समिति सदस्यहरुलाई बोलाइएको छ । तर, हिजो आफ्नो समूहको स्थायी समितिको बैठक गरेको खनाल-नेपाल समूहले भने बालुवाटारमा बस्ने बैठक बहिस्कार गर्ने बताइसकेको छ ।
वरिष्ठ नेताद्वय झलनाथ खनाल र माधव कुमार नेपालले नेतृत्वको गरेको उक्त समूह ओलीले बालुवाटारमा राखेको कुनैपनि बैठकमा सहभागी नहुने पक्षमा रहेको छ । उनीहरुले बैठक पार्टी कार्यालय धुम्बाराहीमा राख्नुपर्ने बताउँदै आएका छन् ।
तर, खनाल-नेपाल समूहले बहिष्कारको निर्णय गरेको दुवै बैठकमा पार्टी एकता अभियान चलाइरहेका उपाध्यक्ष वामदेव गौतम भने सहभागी हुने भएका छन् । गौतम केन्द्रीय समिति र संसदीय दलको बैठकमा सहभागी हुने भएका हुन् ।
नेता गौतमले शुक्रबार किसान भेलालाई सम्बोधन गर्दै आफू ओलीले बोलाएको बैठकमा गएर आफ्ना मतहरु राख्ने बताएका थिए । उनले खनाल-नेपाल पक्षलाई पनि बैठकमा गएर आफ्ना फरक मत राख्न आग्रह गरेका थिए ।
गत फागुन २८ गते ओली पक्षले एकलौटी निर्णय गरेको भन्दै खनाल-नेपाल पार्टीमा समानान्तर गतिविधिमा सक्रिय रहेको छ । गौतम पनि उक्त निर्णयको विरुद्धमा रहेका छन् । उनले बैठकमा आफ्ना धारणा राख्ने बताएका छन् ।
सम्बन्धित समाचार
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया