ताजा अपडेट
करदाता शिक्षा तथा अन्र्तक्रिया कार्यक्रम मंगलसेनम सम्पन्न, राज्यलाई कर तिर्नमा कञ्जुसाई गर्ननहुने करअधिकृत रोकाय
करदाता शिक्षा तथा अन्र्तक्रिया कार्यक्रम मंगलसेनम सम्पन्न भएको छ । अछाम चेम्बर अफ कमर्सको आयोजनामा भएको अन्र्तक्रिया कार्यक्रममा करदाता शिक्षा, अहिलेको अवस्था, कारोबार गर्ने ब्यक्तिले ध्यान दिनुपर्ने कुरा, प्रतिबन्धित सामान बेच्न नपाईने लगायतका बिषयमा छलफल गरिएको थियो । अछाम चेम्बर अफ कमर्सका अध्यक्ष खेमराज ढुंगानाको अध्यक्षतामा भएको कार्यक्रममा करदाता सेवा कार्यालय साफेबगरका कर अधिकृत धर्म बहादुर रोकायले कार्यक्रममा सहभागी ब्यापारी तथा सरोकारवालाले सोध्नु भएको प्रश्नको जवाफ दिनुभएको थियो ।
हाम्रो समाजमा अहिलेपनी कर भन्ने बित्तिकै डराउने प्रचलन रहेकाले करले डराउने नभई कर भनेको हरेक ब्यवसायको भर भएकाले राज्यलाई कर तिर्नमा कञ्जुसाई गर्न नहुने उहाको भनाई छ । करले हरेक ब्यक्तिको लगानी सुरक्षित गर्ने भएकाले करदाता शिक्षालाई ग्रामिण क्षेत्र सम्म पु¥याउनुपर्ने अहिलेको आवश्यक्ता रहेको करअधिकृत रोकायले बताउनुभयो । कार्यक्रममा सहभागी ब्यपारीहरुले दोहोरो करनिती हटाउनुपर्ने, करदातालाई सहजहुनेगरि करतिर्ने ब्यवस्था गर्नुपर्ने, करकार्यालयमा दर्ता नगरेरै ब्यावसाय गरिरहेका ब्यापारीहरुलाई करको दायरामा ल्याउनुपर्ने लगायतका माग राखेका थिए ।
कार्यक्रममा बोल्दै चेम्बर अफ कमर्सका अध्यक्ष खेमजराज ढुंगानाले करदातालाई सहज पार्न आफ्नो शाखाले आगामी दिनमा गतिविधि संञ्चालन गर्ने प्रतिबद्धता जनाउनु भएको थियो । कार्यक्रममा उद्योगबाणिज्य संघ अछामका उपाध्यक्ष राम बहादुर शाही, मंगलसेन नगरपालिकाका निमित्त प्रमुख प्रशासमियक अधिकृत खगेन्द्र बहादुर सोडारी लगायतले मन्तब्य राख्नुभएको थियो । कार्यक्रमको संञ्चालन दिपक रावलले गर्नुभएको थियो
प्रतिक्रिया