ताजा अपडेट
टी–ट्वान्टी सिरिज भारतलाई
घरेलु टोली भारतले इङ्ल्यान्डविरुद्धको टी–ट्वान्टी क्रिकेट सिरिज जितेको छ । शनिबार राति भएको अन्तिम तथा निर्णायक सिरिजमा रोमाञ्चक जित निकाल्दै भारतले सिरिज आफ्नो नाममा गरेको हो ।
भारतले पाँच खेलको रिसिजमा ३–२ को जित हात पारेको हो । अहमाबादमा भएको खेलमा भारतले दिएको २२५ रनको लक्ष्य इङ्ल्यान्डले निर्धारित २० ओभरमा ८ विकेट गुमाउँदै १८८ रन बनायो ।
इङ्ल्यान्डका लागि जोस बट्लस र डेभिड मलानले अर्धशतकीय पारी खेले । ४६ बल खलेका मलानले ९ चौका र २ छक्काको सहयोगमा ६८ रन बनाए । त्यस्तै ३४ बल खेलेका बट्लरले २ चौका र ४ छक्काको सहयोगमा ५२ रन बनाए ।
त्यस्तै वेन स्टोक र श्याम करनले समान १४–१४ रन बनाए । बलिङतर्फ भारतका लागि शार्दुल ठाकुरले सर्वाधिक ३ विकेट लिए । त्यस्तै भुवनेश्वर कुमारले २ विकेट हात पारे ।
यसअघि, टस हारेर पहिले ब्याटिङ गरेको भारतले निर्धारित २० ओभरमा २ विकेट गुमाउँदै २२४ रन बनायो । भारतका लागि रोहित शर्मा र विराट कोहलीले अर्धशतकीय पारी खेले ।
५२ बल खेलेका कोहलीले ७ चौका र २ छक्काको सहयोगमा ८० रन बनाए । त्यस्तै ३४ बल खेलेका रोहितले ४ चौका र ५ छक्काको सहयोगमा ६४ रन बनाए ।
यसअघि, पहिलो टी–ट्वान्टी ८ विकेटले हारेको भारतले दोस्रो टी–ट्वान्टीमा ७ विकेटको जित निकालेको थियो । तेस्रो टी–ट्वान्टीमा इङ्ल्यान्डले ८ विकेटको जित निकाल्दा चौथो र पाँचौंमा भारतले जित निकाल्यो ।
सम्बन्धित समाचार
ताजा अपडेट
-
साँफेबगर नगरपालिकाद्वारा उत्कृष्ट विद्यार्थीलाई शैक्षिक सामग्री तथा प्रोत्साहन वितरण
-
साँफेबगर नगरपालिकाद्वारा उत्कृष्ट विद्यार्थीलाई शैक्षिक सामग्री तथा प्रोत्साहन वितरण
-
सुदूरपश्चिम प्रदेश निर्माण व्यवसायी महासंघको अध्यक्षमा लक्ष्मण स्वाँर निर्वाचित (नतिजा सहित)
-
मुख्यमन्त्रीले अर्थ राख्ने, सामाजिक र वन अर्को पक्षले लिने : सुदूरपश्चिम कांग्रेसमा भागबण्डा
-
कांग्रेसको सुदूरपश्चिमस्तरीय भेलामा अन्य प्रदेशका कुनै पनि नेतालाई आमन्त्रण नगरिने
प्रतिक्रिया