ताजा अपडेट
'हाम्रो आत्मसमर्पणले कम्युनिस्ट आन्दोलनको बिसर्जन गर्छ', हाम्रो एक मात्र विकल्प विद्रोह हो : रामकुमारी झाँक्री
नेकपा (एमाले) नेतृ रामकुमारी झाँक्रीले आत्मासमर्पणले कम्युनिस्ट आन्दोलनको बिर्सन गर्ने भन्दै संविधानको रक्षाका लागि एक मात्र विकल्प विद्रोह भएको बताएकी छन्। पार्टी अध्यक्ष एवम् प्रधानमन्त्री केपी ओली र वरिष्ठ नेता माधवकुमार नेपालबीच निर्णायक वार्ता हुँदै गर्दा नेतृ झाँक्रीले यस्तो बताएकी हुन्। उनले ठोस प्रस्ताव र लिखित सहमति बिना अलमलनमा पर्नु नहुनेमा जोड दिएकी छन्।
अध्यक्ष ओलीले संसद विघटन गरेको सही थियो र छ भन्ने प्रमाणि गर्ने प्रयास गरेको भन्दै उनले जनता, लोकतन्त्र र संविधानको रक्षाका लागि विद्रोह मात्र एक विकल्प भएको बताएकी हुन्।
‘ठोस प्रस्ताव र लिखित सहमति बिना अलमलमा पर्नुहुन्न।आफूले संसद विघटन गरेको सहि थियो र छ भन्ने प्रमाणित गर्न प्रभुको ईशारमा यो सबै हुदैछ। जनता, लोकतन्त्र र संबिधानको रक्षाको लागि हाम्रो अगाडी एक मात्र बिकल्प हो विद्रोह’, ट्वीमा झाक्रीले लेखेकी छन्, ‘हाम्रो आत्मसमर्पणले कम्युनिष्ट आन्दोलनको बिसर्जन गर्छ,सचेत बनौँ ।’
प्रतिक्रिया