Hamro Bulletin

गुगलले आई/ओ २०२१ मार्फत आफ्ना सबै प्लेटफर्मका लागि विभिन्न प्रकारका नयाँ सेफ्टी कन्ट्रोल जारी गरेको छ । कम्पनीको नयाँ अप्सनमा क्विक डेलिट अर्थात तुरुन्तै डिलिट गर्न सकिने अप्सन पाउन सकिनेछ ।

यसको सहयोगमा प्रयोगकर्ताले आफ्नो गुगल अकाउन्ट मेनुमा सिंगल ट्याप गरेकै भरमा पछिल्लो १५ मिनेटको सर्च हिस्ट्री डिलिट गर्न सक्नेछन् । कम्पनीले यो फिचर प्रयोगकर्ताका लागि निकै उपयोगी हुने विश्वास व्यक्त गरेको छ ।

जसले प्रयोगकर्तालाई आफ्नो निजी जानकारी सुरक्षित राख्न सघाउनेछ । प्रयोगकर्ताले यो नयाँ क्विक डिलिट फिचर गुगल सर्चको सेटिङमा पाउन सक्नेछन् । जसलाई एकपटक क्लिक गरेकै भरमा पछिल्लो १५ मिनेटको सर्च हिस्ट्री डिलिट हुनेछ ।

कम्पनीको यो फिचर आउँदा दिनमा सबै प्रयोगकर्ताले प्रयोग गर्न पाउनेछन् । यसबाहेक गुगलले एउटा अर्को फिचर ल्याउनेछ । जसमा गुगल फोटोमा एउटा पासकोडबाट लक गरिएको फोल्डर हुनेछ । यो फिचर त्यस्ता प्रयोगकर्ताका लागि निकै उपयोगी हुनेछ, जसलाई आफ्नो निजी फोटो अरुले देख्ला कि भन्ने डरले सताइरहेको हुन्छ ।

कम्पनीले अब प्रयोगकर्ताले आफ्नो ग्रिड वा शेयर गरिएको एल्बममा स्क्रोल गर्दा फोटो देखिनेछैन । यो फिचर सबैभन्दा पहिला गुगल पिक्सेलमा आउनेछ । त्यसपछि एकवर्षभित्र सबै एन्ड्रोइड फोनहरुमा यो फिचर प्रयोग गर्न सकिनेछ ।

यसैगरी गुगलले म्यापभित्र लोकेसन हिस्ट्री रिमाइन्डर नामक एउटा सेफ्टी कन्ट्रोल फिचर थप गरेको छ । यो फिचरको सहयोगमा प्रयोगकर्ताले आफ्नो टाइमलाइनमा त्यस्ता लोकेसन देख्नसक्नेछन्, जहा उनीहरु पुगिसकेका छन् ।

प्रयोगकर्ताले यो लोकेसन गुगल म्यापमा देख्न सक्नेछन् । लोकेसन हिस्ट्री अन रहेको जानकारी दिन गुगलले यो फिचर ल्याएको हो । यस अलावा गुगल एन्ड्रोइड १२ को रुपमा एउटा नयाँ प्राइभेसी ड्याशबोर्ड रहनेछ । जसमा प्रयोगकर्ताले एउटा टाइमलाइन देख्न सक्नेछन् ।

एपले कहिले क्यामेरा, माइक्रोफोन वा डिभाइस लोकेसनको एक्सेस लिएको छ भन्ने जानकारी दिनेछ । यसले डिभाइस क्यामेरा वा माइक्रोफोन प्रयोग हुँददा त्यसलाई इन्डिकेटरको रुपमा देख्न सकिनेछ ।

यसबाहेक त्यसलाई डिसेबल गर्ने अप्सनका साथै गुगल प्रयोगकर्तालाई सही लोकेसनका अलावा कुनै एपमा आफ्नो अनुमानित लोकेसन शेयर गर्ने अप्सन समेत दिनेछ ।