Hamro Bulletin

धनगढीमा सुरक्षित रक्तदान कार्यक्रम अन्तरगत धनगढी ग्यालरी टिमद्धारा रक्तदान गरिएको छ । धनगढीमा रगतअभावपछी सुरक्षित मातृत्व सञ्जाल नेपालको आयोजनामा धनगढी उपमहानगरपालीका,नेपाल रेड्क्रस सोसाइटीको सहकार्यमा धनगढीमा रक्तदान कार्यक्रमको आयोजना गरिएको छ । सोही क्रममा धनगढीको रंगशालामा आज तेस्रो दिन धनगढी ग्यालरी समुहद्धारा रक्तदान गरिएको हो। धनगढीमा रक्तदान कार्यक्रम यहि जेठ १ गते देखी ३० गतेसम्म जारी सुरक्षित रक्तदान कार्यक्रम दैनिक बिहान ८ देखी १० बजेसम्म हुँदै आएको छ ।

धनगढी ग्यालरी टिमका ५ जना भन्दा बढीद्धारा रक्तदान गरिएको हो । धनगढी ग्यालरीका एडमिन चक्र खडायतले रक्तदान सँगै बिभिन्न सामाजिक कार्यमा सहयोग गर्दै आइरहेको जानकारी दिए । उनले भने,-यस्तो आपतकालीन समयमा रगत अभाबको बेला आफु सुरक्षीत भएर रक्तदान गर्न सक्नेले सहयोग गर्दिन सबैलाइ आग्रह गर्छु । उनले थपे,-रक्तदान गरेमा यस्ले रगत अभाब भएका र बिरामीलाई सहजै रगत उपलब्ध गराउन सकिन्छ,यसमा म पनी अनुरोध गर्दछु । यस्तै, धनगढी ग्यालरीले २ दिन अघि मात्रै सामाजिक कार्यक्रमलाई साथ दिदै अक्सिजन खरिदको लागि आर्थिक सहयोग गरेको पनी एडमिन चक्र खडायतले बताएका छन्।