Hamro Bulletin

सहायक प्रमुख जिल्ला अधिकारी रञ्जन प्रसाद तिमिल्सैनाको नेतृत्वमा आएको एक टोलि द्धारा जयागढबजारमा अनुगमन गरीएको छ । जिल्लाको प्रमुख ब्यपारीक केन्द्र  मध्यको एक जयागढबजारमा जिल्लाको एक सर्बपक्षिय टोलि द्धारा यहां संचालित खाद्यन्न पसल हरुमा अनुगमन गरीएको हो । बिगत लामो समयदेखि संचालनमा रहेका ७ पसलमा भएको अनुगमनमा ५ वटा पसललाई ३००००/- अक्षेरुपी तिस हजार जरिबाना र सात वटै पसललाई सचेत गराईएको  जिल्ला प्रशासन कार्यालय अछामले जनाएको छ  । यस्तै उत्त पसलहरु बाट प्रशस्त परिमाणमा म्याद गुज्रियका अखाद्य बस्तुहरु बरामद गरी नष्ट समेत गरीएको छ ।

मुल्य सुचि नराखेका र म्याद गुज्रियका अखाद्य बस्तुहरु फेला परेका पसलका संचालकहरुबाट जरीवाना असुल समेत गरीएको टालिको नेतृत्व गर्नु भएका अछामका सहायक प्रमुख जिल्ला अधिकारी रञ्जन प्रसाद तिमिल्सैना बताउनुभयो । टोलिले आगामि दिनहरुमा मुल्य सुचि नराखेको र म्याद गुज्रियका अखाद्य बस्तुहरुको बिक्रिबितरण नगर्न र नगराउन सुझाब दिनुका साथै सो कार्य गरेको पाइएमा कानुन बमोजिम कारवाहि हुने सहायक प्रमुख जिल्ला अधिकारी तिमिल्सैनाले बताउनुभयो ।

टोलिमा घरेलु तथा साना उद्योग कार्यालयका प्रकाश उपाध्याय, उद्योग बाणिज्य संघका जिल्ला सदस्य टंक खड्का, प्रहरी चौकी जयागढका इन्चार्ज रमेश भट्ट, सशस्त्र प्रहरी हवल्दार जय बहादुर  लगायतको उपस्थिति रहेको थियो ।