Hamro Bulletin

बयलपाटा अस्पतालमा रक्तदान गरिएको छ। अस्पतालमा रगतको अभाव बढ्दै गए पछि विश्व रक्तदाता दिवसको अवसरमा युवा संजाल साँफेबगरको आयोजना, साँफेबगर स्थित बल्याक एन्जल युवा क्लबका पदाधिकारीहरु लगाएत अन्य युवाहरुको सहकार्यमा रक्तदान गरिएको हो।

विश्व रक्तदाता दिवसको अवसरमा रक्तदान कार्यक्रम गरेको यूवा संजालले यो भन्दा अघि पनि नगरपालिकाका विभिन्न वडा तथा बयालपाटा अस्पतालमा रत्तदान कार्यक्रमको आयोजना गर्दै आएको छ। रक्तदान गर्न आएका २६ जना युवाहरु मध्ये १५ जनाबाट एक/एक पिन्ट गरी १५ पिन्ट रगत संकलन गरिएको छ।

उपस्थित मध्ये ११ जनाबाट अस्पतालमा रगतको अभाव भए पछि जुनसुकै बेला पनि रगत संकलन गर्न सकिने गरी सम्पर्कमा राखिएको युवा संजाल साँफेबगरका अध्यक्ष भुपेन्द्र भण्डारीले बताउनु भयो। रक्तदानमा सहभागी  युवाहरुले आफुले रक्तदान गर्न पाएकोमा खुसि व्यक्त गरेका छन्।  अस्पतालमा अप्रेशन गरेर बच्चा जन्माउने, सुत्केरी हुँदा धेरै रगत बगेर जीवन मरणको दोसाँधमा परेकाहरुको लागि आवश्यक पर्ने रगत अभाव हुन नदिनका लागि रगत दान गरेको कार्यक्रममा सहभागि योगेश कुँवरले बताउनु भयो । साथै आफूहरु आगामी दिनमा पनि रगतको अभाव हुन नदिनका लागि पहल गर्ने उहाले प्रतिबद्धता जनाउनु भयो ।