Hamro Bulletin

युवा सुचना मञ्च बाँकेले बयालपाटा अस्पताल र पत्रकार महासंघ अछाम शाखालाई स्वास्थ्य सामाग्री वितरण गरेको छ । मञ्चको पहलमा अछामका विभिन्न ठाँउमा कोभिड १९ को प्रतिकार्यका लागि स्वास्थ्य समाग्री प्रदान गर्ने अभियान सुरु भएको हो । 

नेप्लीज अमेरिकन च्याम्वर अफ कमर्श डल्लास टेक्ससको आर्थिक सहयोग र युवा सुचना मञ्च बाँकेको आयोजना तथा व्यावस्थापनमा सुचना मञ्च अछामका अध्यक्ष राधा आर्चाय ढकाल र नेपाल पत्रकार महासंघ अछामका पूर्व अध्यक्ष तथा वर्तमान सल्लाहकार वेदप्रकाश तिमिल्सैनाले उक्त सामाग्री बयालपाटा अस्पतालका प्रकाश ढकाल र पत्रकार महासंघ अछामलाई प्राप्त हुने गरि बयालपाटा अस्पतालका प्रकाश ढकाल र पत्रकार महासंघका अध्यक्ष खम्म खत्री त उपाध्यक्ष गिता कुँवरलाई हस्तान्त्ररण गरिएको थियो ।

उक्त सहयोगले बयाकपाटा अस्पतालका स्वास्थ्यकर्मीलाई जनताको सेवामा सर्मपित हुन राहत हुने बयालपाटा अस्पतालका प्रकाश ढकालले बताए  । सहयोगका लागि उनले युवा सुचना मञ्च बाँकेलाई धन्यवाद समेत व्यक्त गरेका थिए ।

स्वास्थ्य सुरक्षाका सामाग्रीमा मास्क, हेण्ड सेनिटाईजर, पिपिई लगायतका सामाग्री रहेका छ्न । एक साता देखिको निरन्तर बर्षाले मौसम अनुकुल नहुदाँ पनि मञ्चले स्वास्थ्य सुरक्षाका सामाग्री वितरण गरिरहेको छ । उक्त स्वास्थ्य सामाग्रीका लागि अमेरिका स्थित नेप्लीज अमेरिकन च्याम्बर अफ कर्मस डल्लास र समाजसेवी बाल जोशीको सहयोग रहेको मञ्चले जनाएको छ । मञ्चले जिल्ला अस्पताल र कमलबजार प्राथमिक स्वास्थ्य केन्द्रमा समेत स्वास्थ्य सामाग्री वितरण गर्ने यसको व्यावस्थापन, समन्वय र सहजिकरण गरिरहेका नेपाल पत्रकार महासंघ अछामका पूर्व अध्यक्ष तथा वर्तमान सल्लाहकार वेदप्रकाश तिमिल्सैनाले बताए ।