ताजा अपडेट
जिल्ला अस्पताल र बयालपाटा अस्पताललाई नेपाल मानव धर्म सेवा समितिद्वारा सुरक्षाका सामाग्री, औषधी अक्सीजन सिलिन्डर सहयोग
नेपाल मानव धर्म सेवा समितिले बयालपाटा अस्पताल र जिल्ला अस्पताल अछामलाई स्वास्थ्य सुरक्षाका सामाग्री, औषधी अक्सीजन सिलिन्डर सहयोग गरेको हो । दुबै अस्पताललाई आवश्यक पर्ने ३ लाख बढीको स्वास्थ्य सामाग्री, औषधी र अक्सीजन सिलिण्डर सहयोग गरेको समितिले जनाएको छ ।
महामारि लगाएत सदैव अस्पतालले जनताको सेवामा दिनरात खटेर काम गरेको भन्दै आफुहरुले सक्दो सहयोग गरेको नेपाल मानव धर्म सेवा समितिका सदस्य रमेश कुवँरले बताए ।
उक्त नगद र स्वास्थ्य सामाग्री समन्वय समिति प्रमुख नर बहादुर कुँवरले जिल्ला अस्पताल अछामलाई र नेपाली कांग्रेस अछामका सभापति भरत कुमार स्वाँरले बयालपाटा असपताललाई हस्तान्त्ररण गरेका थिए । हस्तान्त्ररण गर्दै सभापति स्वाँरले बयालपाटा अस्पताललाई यसैगरी सबै क्षेत्रबाट सबैले सहयोग गर्नुपर्ने बताए ।
अछाम घर भई हाल काठमाण्डौँमा रहेका समाजेवी बिनय रावलको सहयोगमा सामाग्री काठमाण्डौँ बाट अछाम आईपुगेको थियो । हस्तान्त्ररण कार्यक्रममा कांग्रेस महाधिबेशन प्रतिनिधी अर्जुन ताम्राकार, दतिल संघका अध्यक्ष टक्कर ताम्राकार लगायतको सहभागीता रहेको थियो ।
प्रतिक्रिया