Hamro Bulletin

बयालपाटा अस्पताललाई अन्तराष्ट्रिय सिद्देश्वर सेवा समाज पुना भारतले  आर्थिक र स्वास्थ्य सामाग्री सहयोग गरेको छ । समाजले अस्पताललाई नगद रु १ लाख १ हजार र अन्य स्वास्थ्य सुरक्षाका सामाग्री सहयोग गरेको छ ।

अछामको साँफेबगर नगरपालिका वडा नं. ३ सिद्देश्वर घर भई हाल प्रवासमा रहेका दाजुभाईहरुको सहयोगमा अस्पताललाई नगद १ लाख १ हजार  र स्वास्थ्य सामाग्री तथा सिद्देश्वर स्वास्थ्य चौकी र शहरी क्लिनिक साँफेबगरलाई स्वास्थ्य सुरक्षाका सामाग्री सहयोग गरिएको साँफेबगर ३ का समाजसेवि मुकेश कुँवरले जानकारी दिए । 

सहयोगका लागि धन्यवाद व्यक्त गर्दै मेडिकल निर्देशक डाक्टर मन्दीप पाठकले आगामी दिनमा पनि यस्तै साथ र सहयोगको अपेक्षा गरिएको बताए । हस्तान्त्ररण कार्यक्रममा साँफेबगर नगरगपालिका नगर प्रमुख कुल बहादुर कुँवर, साँफेबगर नगरगपालिका वडा नं. ३ का अध्यक्ष कृष्ण बहादुर बुढा, प्रभा धमकोट मा बि का विद्यालय व्यवस्थापन समितिका अध्यक्ष मोहन कुवँर लगायतको सहभागीता रहेको थियो ।