ताजा अपडेट
बल्याक एन्जल्सका युवाहरुले गरे रक्तदान
साफेबगर पोलिक्लिनिक को प्राङ्गडमा रक्तदान कार्यक्रम आयोजना गरिएको छ । बल्याक एन्जल्स युवा क्लब साफेबगरको आयोजनामा गरिएको रक्तदान कार्यक्रममा १६ जनाले रक्तदान गरेको क्लवका अध्यक्ष दशरथ कुँवरले जानकारी दिए ।
पछिल्लो समय अछाम लगायत देशभर रगत अभाव भइरहेका बेला बल्याक एन्जल्स फुटबल युवा साफेबगरले रक्तदान गर्न आम नागरिकलाई आह्वानसमेत गरेको छ । क्लवका प्रवक्ता योगेश कुँवरले रगतको अभावबाट कोही व्यक्तिले पनि मृत्युवरण गर्न नपरोस् भनेर रक्तदान कार्यक्रमको आयोजना गरिएको बताए ।
बल्याक एन्जल्स युवा क्लब साफेबगरले जेष्ठ गत वर्ष कोरोना कहरको समयमा साफेबगर नगरपालिका ३ नवराज ओडको घर निर्माण गरेको थियो । सदैव समाजमा एक पछी अर्को उदाहारणिय कार्य गर्दै आईरहेका युवाहरुले आगामी दिनमा पनि समाजमा आवश्यक परका हरेक क्षेत्रमा आफूहरुबाट हुनसक्ने सहयोगका लागि आफुहरु तयार रहेको बताए ।
साफेबगर पोलोक्लिनिक को सहकार्यमा ब्लयाक एन्जल्स युवा क्लब को आयोजनामा बयालपाटा अस्पताललाई हस्तान्तरण गर्ने गरि रक्तदान कार्यक्रम गरिएको थियो । कार्यक्रममा ब्लयाक एन्जल्स युवा क्लबको तर्फबाट बिमल कुँवर, आशिश कुँवर, बिरेन्द्र कुँवर, आर्यन के सी, कमल बि क, दुर्गा धामी, हर्क बिष्ट, महेन्द्र कुँवर, धुर्व कुँवर, सन्तोष तिवारी, कबिन्द्र परियार, दशरथ कुँवर, जयन्द्र कुँवर, रमेश साउँद, हिमाल कुँवर, दिवाकर कुँवर लगाएतले रक्तदान गरेका थिए ।
प्रतिक्रिया