Hamro Bulletin

नेपालि कांग्रेस बुढाकोटको अधिवेशन समिक्षा कार्यक्रम सम्पन्न भएको छ । साँफेबगर नगरपालिका -९ का वडा सभापति सुरज बहादुर कुँवरको अध्यक्षतामा भएको कार्यक्रमका प्रमुख अतिथि नेपालि कांग्रेसका जिल्ला कार्य समिति सदस्य लालगिरी कुँवर, विशिष्ट अतिथि नेपाल लोकतान्त्रिक निर्माण व्यावसायिक महासंघ अछामका अध्यक्ष नरेन्द्र बहादुर कुँवर र नेपाली कांग्रेसका क्षेत्रीय सदस्य तगत बहादुर कुँवर रहनु भएको थियो ।

कार्यक्रममा बोल्दै लोकतान्त्रिक निर्माण व्यावसायिक महासंघ अछामका अध्यक्ष नरेन्द्र बहादुर कुँवरले नेपालि कांग्रेस पार्टीले आजसम्म कुनै पनि जनतालाई पार्टीगत रुपमा मतभेद नराखी सदैब जनताको सुख दु:ख को सहयात्री रहेको र आगामी दिनमा पनी सोही अनुरुप पार्टिले जनताको सेवा गरिरहने बाताउनु भयो । आसन्न अधिवेशन बाट वडामा अब हुने निर्वाचनमा स्पष्ट बहुमत ल्याउनलाई सक्रिय भूमिका निर्वाह गर्ने नेतृत्वको चयन हुनुपर्नेमा उहाँले जोड दिनुभयो ।

नव प्रवेशीलाई स्वागत गर्दै सुचारु भएको कार्यक्रमको संचालन नेपालि कांग्रेस बुढाकोटका सचिव अमर थापाले गर्नु भएको थियो । कार्यक्रममा नेपाली कांग्रेस बुढाकोटका क्रियाशील एबम सगठित सदस्यहरु हर्क बि क, पूर्ण बहादुर कुवँर, जोगी वड, वीर बहादुर थापा, दिपक साउँद हंस साउँद जगत कुँवर जनक साउँद लगायतको सहभागिता रहेको थियो ।