देउवा र रामचन्द्र पौडेलबीच जुट्यो बोल्ड सहमती
सत्तारुढ दल नेपाली कांग्रेसको विवाद सल्टिएको छ । शीर्ष नेताहरुबीचमा बोल्ड सहमती भएपछि देशभरका नेताकार्यकर्ताहरुमा खुसीयाली छाएको हो । क्रियाशील सदस्यता सूची प्रकाशित हुन बाँकी रहेका १३ जिल्लाको सदस्यता नामावली शनिवार सार्वजनिक गर्ने सहमति जुटेको छ ।
कांग्रेस सभापति तथा प्रधानमन्त्री शेरबहादुर देउवाको सरकारी निवास बालुवाटारमा भएको शीर्ष नेताबीचको छलफलमा सदस्यता सार्वजनिक गर्ने सहमति जुटेको छ ।
सभापति देउवा, वरिष्ठ नेता रामचन्द्र पौडेल, महामन्त्री डा। शशांक कोइरालाले क्रियाशील सदस्यता टुंग्याउन बनेको कार्यदल सदस्यसँग छलफल गरेपछि सहमति जुटेको छ ।
कार्यदल सदस्य कृष्णप्रसाद सिटौला, डा। मीनेन्द्र रिजाल र रमेश लेखकलाई शनिवारसम्म बाँकी जिल्लाको क्रियाशील सदस्यता टुंग्याउन जिम्मेवारी दिइएको छ ।
क्रियाशील सदस्यता टुंगिन बाँकी रहेका जिल्लामा २ नम्बर प्रदेशका ८ जिल्लासहित कैलाली, सुर्खेत, डोल्पा, रसुवा र बाँके रहेका छन् ।
क्रियाशील सदस्यता टुंगिएका ५७ जिल्लामा वडा अधिवेशन भएको छ भने बाँकी जिल्लाको लागि असोज ५ गते वडा अधिवेशन हुने गरी कार्यतालिका तय गरिएको छ ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया