Hamro Bulletin

न्याय हेल्थ द्वारा संचालित बयालपाटा अस्पतालका  एक जना कर्मचारीले आफ्नै शरीरमा पेट्रोल छर्केर आगो लगाएका छन् । अस्पतालले हटाएका ३३ जना कर्मचारीमा उनि चर्पी सफा गर्ने काम गरिरहेका साफेबगर नगरपालिका–६ का सिदार्थ आउजी ले आफ्थिनै शरीरमा  पेट्रोल छर्केर अस्पताल परिसरमै आगो लगाएका हुन्  ।

साेमबार अस्पताल परिसरमै  बिहान आफ्नै शरीरमा आगो लगाएका आउजीको शरिरभरि आगो दन्किरहेको अवस्थामा उनको उद्दार गरि हेलिकप्टरमार्फत नेपालगन्ज थप उपचारको लागि लैजाने तयारी भएको प्रमुख जिल्ला अधिकारी पुण्यविक्रम पौडेलले बताए  ।

कर्मचारी हटाएको बिषयमा केहि समयदेखि आलोचनामा मुछिएको अस्पताल परिसरमै हटाइएका एक कर्मचारीले आफ्नै शरीरमा आगो लगाएका आत्मदाहको प्रयास गरेसंगै अस्पतालमाथि झन् प्रश्न उठेको छ । यतिबेला सामाजिक संजालमा यो घटनालाई जोडेर अस्पताल प्रशासनको आलोचना गरिएको छ  ।

नेपाली काङ्ग्रेस जिल्ला अछामका प्रवक्ता वेदप्रकाश तिमिल्सैना घटनाको सत्यतथ्य छानबिनको माग गरेका छन् । सामाजिक संजाल मार्फत उनले घाइतेको स्वास्थ्यलाभको कामना गर्दै न्याय हेल्थ संग जोडिएको यो घटनाको सत्य तथ्य छानबिनको विकल्प नभएको बताएका छन् । उनले न्याय हेल्थका हर्ताकर्तालाई समेत छानबिनको दायरामा ल्याउन जोडदार माग गरेका छन् ।