ताजा अपडेट
अछाम लगाएत सुदूरपश्चिमका ७ जिल्लामा बिजुली र सञ्चार सेवा अवरुद्ध
सुदूरपश्चिम प्रदेशका पहाडी जिल्लाको विद्युत् र टेलिफोन सेवा अवरुद्ध भएको छ । आइतबार साँझदेखि परेको वर्षाका कारण दार्चुला, बैतडी, डडेलधुरा, डोटी, बझाङ, अछाम र बाजुरामा सञ्चार विद्युत् र टेलिफोन सेवा अवरुद्ध भएको हो ।
सञ्चार सम्पर्कविच्छेद हुुँदा पहाडी जिल्लामा बाढी तथा पहिरोका कारण भएको क्षतिको विवरण संकलन गर्न नसकिएको सुदूरपश्चिम प्रदेश प्रहरी कार्यालयका प्रवक्ता वरिष्ठ प्रहरी उपरीक्षक विक्रम चन्दले बताए ।
वर्षासँगै आएको हावाहुरीले पहाडी जिल्लाका विभिन्न स्थानमा विद्युत् पोल तथा ट्रान्सफर्मरमा क्षति पुगेको विद्युत प्राधिकरण सुदूरपश्चिम प्रदेशले जनाएको छ ।
यस्तै, विद्युत नभएकै कारण पहाडी जिल्लामा नेपाल टेलिकमको टेलिफोन सेवा पनि पूर्ण रूपमा अवरुद्ध हुन पुगेको नेपाल टेलिकम सुदूरपश्चिम प्रादेशिक कार्यालयका प्रमुख नामाकर न्यौपानेले जानकारी दिए ।
प्रतिक्रिया