Hamro Bulletin

सांग्रिला डेभलपमेन्ट बैंकले कात्तिक १३ गतेको आफ्नो १७ औं वार्षिकोत्सवको अवसर पारेर देशभर साताव्यापी कार्यक्रमहरु सार्वजनिक गरेको छ। देशभर रहेका बैंकका शाखाहरुले ०७८ कात्तिक ७ देखि कात्तिक १३ गते सम्म विभिन्न  कार्यक्रमहरु संचालन गर्ने योजना रहेको छ। 

त्यसैगरी सांग्रिला डेभलपमेन्ट बैंकको  प्रदेश शाखा धनगढ़ीले यहि कात्तिक १० गते मंगलबार का दिन रक्तदान को आयोजना गरेको छ । सांग्रिला डेभलपमेन्ट बैंक सुदुरपश्चिम प्रदेश धनागढ़िको आफ्नै कार्यालय प्रांगणमा बिहान ८ बजे देखि १ बजेसम्म गरिने कार्यक्रममा सम्पूर्णको उपस्थितिको लागि बैंकले अनुरोध समेत गरेको छ । उक्त कार्यक्रमले धनगढ़ीका जनतालाई प्रत्यक्ष तथा अप्रत्यक्षरुपमा फाइदा पुग्ने विश्वास बैंकले लिएको छ।

सांग्रिला डेभलपमेन्ट बैंकले आफ्ना ग्राहक वर्ग तथा शेयरधनीहरुको विश्वासले अलग्गै पहिचान बनाउन सफल भई आजको दिनमा आफ्नो कार्यकालको १७ औं वार्षिकोत्सव उत्साहका साथ मनाउन सफल भएको र साथै, अबका दिनमा समेत यस किसिमको विश्वासको अपेक्षा बैंकले राखेको सांग्रिला डेभलपमेन्ट बैंकका प्रदेश प्रमुख देव राज न्यौपानेले बताउनुभयो ।