ताजा अपडेट
१७ औं वार्षिकोत्सवको अवसरमा सांग्रिला डेभलपमेन्ट बैंक धनगढ़ी शाखाले गर्यो रक्तदान कार्यक्रम
सांग्रिला डेभलपमेन्ट बैंकले कात्तिक १३ गतेको आफ्नो १७ औं वार्षिकोत्सवको अवसर पारेर देशभर विभिन्न कार्यक्रमहरु गरिरहेको छ । देशभर रहेका बैंकका शाखाहरुले ०७८ कात्तिक ७ देखि कात्तिक १३ गते सम्म विभिन्न कार्यक्रमहरु सम्पन्न गरिरहेका छन ।
त्यसैगरी सांग्रिला डेभलपमेन्ट बैंकको प्रदेश शाखा धनगढ़ीले आज रक्तदान कार्यक्रम सम्पन्न गरेको छ । सांग्रिला डेभलपमेन्ट बैंक सुदुरपश्चिम प्रदेश धनागढ़िको आफ्नै कार्यालय प्रांगणमा बिहान ८ बजे देखि १ बजेसम्म गरिएको कार्यक्रममा कैलाली उधोग बाणिज्य संघका अध्यक्ष तथा सांग्रिला डेभलपमेन्ट बैंकका प्रमोटर पुष्प राज कुँवर र सांग्रिला डेभलपमेन्ट बैंकका प्रमोटर भुपेन्द्र थापा बाट प्रमाण पत्र वितरण गरिएको सांग्रिला डेभलपमेन्ट बैंकका प्रदेश प्रमुख देव राज न्यौपानेले बताउनुभयो । उक्त कार्यक्रमले धनगढ़ीका जनतालाई प्रत्यक्ष तथा अप्रत्यक्षरुपमा फाइदा पुग्ने विश्वास बैंकले लिएको छ। कार्यक्रममा ६१ जना रक्तदाताबाट ६१ पोईन्ट रगत संकलन भएको थियो ।
सांग्रिला डेभलपमेन्ट बैंकले आफ्ना ग्राहक वर्ग तथा शेयरधनीहरुको विश्वासले अलग्गै पहिचान बनाउन सफल भई आजको दिनमा आफ्नो कार्यकालको १७ औं वार्षिकोत्सव उत्साहका साथ मनाउन सफल भएको र साथै, अबका दिनमा समेत यस किसिमको विश्वासको अपेक्षा बैंकले राखेको सांग्रिला डेभलपमेन्ट बैंकका प्रदेश प्रमुख देव राज न्यौपानेले बताउनुभयो ।
प्रतिक्रिया