धनगढीमा खैरो हिरोईन सहित ३ जना युवक पक्राउ

हाम्रो बुलेटिन शनिबार १३, कार्तिक २०७८ २२:००

धनगढीमा खैरो हिरोईन सहित ३ जना युवक पक्राउ

कैलालीमा लागुऔषध खैरो हिरोईन सहित तिन जना पक्राउ परेका छन । जिल्लाको धनगढी उपमहानगरपालिका १ स्थित बुद्धमार्गबाट उनीहरुलाई ४ ग्राम १०० मिलि ग्राम लागु औषध खैरो हिरोईन पक्राउ गरिएको हो ।

पक्राउ पर्नेमा धनगढी उप-महानगरपालिका ८ निवासी १९ वर्षिय आदर्श कुंवर, २४ वर्षिय बसन्त चौधरी र वडा नम्बर ६ बस्ने १८ वर्षिय हिमाल शाही रहेका छ्न । जिल्ला प्रहरी कार्यालय कार्यालयबाट खटिई गएको प्रहरी टोलिले उनीहरुलाई पक्राउ गरेको हो ।

उनीहरूलाई शनिबार साझ साढे ५ बजे वुद्धमार्ग स्थित सडक खण्डमा संकास्पद रुपमा हिडिरहेको अवस्थामा पक्राउ गरिएको जिल्ला प्रहरी कार्यालय कैलालीका प्रहरी नायव उपरीक्षक प्रतिक विष्टले जानकारी दिए ।

उनीहरु तिनै जनालाई पक्राउ गरी लागु औषध खैरो हिरोईन मुद्धा शिर्षकमा मुद्धा दर्ता गरी थप अनुसन्धान कार्य भइरहेको प्रहरीले जनाएको छ ।

प्रतिक्रिया

Hamro Bulletin