Hamro Bulletin

सांग्रिला डेभलपमेन्ट बैंक लि सुदुरपश्चिमले वार्षिकोत्सवको अवसरमा ७ दिने कार्यक्रमहरु गर्दै सम्पन्न गरेको छ । बार्षिकोत्सब को अवसरमा कात्तिक ८ गते महेन्द्रनगरमा सांग्रिला डेभलपमेन्ट बैंक र कंचन प्रयोगशालाको सहकार्यमा एक दिने प्रेसर चेक जांच र सुगर चेक कार्यक्रम, कात्तिक ९ गते सुदुरपश्चिमका सबै  शाखामा बित्तीय साक्षरता कार्यक्रम, १० गते धनगढी शाखालगायत ठाउँमा रक्त दान कार्यक्रम र कार्तिक १३ गते का दिन अत्तरिया को ओलानी वार्ड नम्बर १२ मा आँखा शिबिर कार्यक्रमा गर्दै सम्पन्न गरेको सांग्रिला डेभलपमेन्ट बैंकका प्रदेश प्रमुख देव राज न्यौपानेले बताउनुभयो ।

शनिबार गरेको आँखा शिविर कार्यक्रममा ४०० जना सेवाग्राहिको उपस्थिती रहेको थियो । त्यस्तै धनगढी शाखाका दस बर्ष सेवा अवधी पुरा गरेका कर्मचारी लाइ सम्मान तथा कदर पत्र बैंकका प्रमोटर श्री गोबिन्द अधिकारी बाट वितरण गरिएको थियो भने  सोही अवसर पारी आँखा शिबिर कार्यक्रम मा उपस्थित १०० बर्ष पुग्नु भयकी बृद्ध जुकु नेपाली लाइ सम्मान पनि गरियो ।

शनिबार सुदूरपश्चिम लगायत देसभरिका ९८ शाखा मार्फत घरदैलो कार्यक्रम पनि सम्पन्न गरेको सांग्रिला डेभलपमेन्ट बैंकका प्रदेश प्रमुख देव राज न्यौपानेले जानकारी दिनुभयो ।