चौरपाटी गाउँपालिकाले कोदो र भटमासको समर्थन मूल्य तोक्यो, प्रतिकिलो कति
अछाम जिल्लाको चौरपाटी गाउँपालिकाले खाद्यान्न बालीहरूको समर्थन मूल्य निर्धारण गरेको छ । गाउँकार्यपालिकाको यही कार्तिक ८ गते बसेको बैठकले खाद्यान्न बालीहरूको समर्थन मूल्य निर्धारण गरेको हो । स्थानीय रैथाने बाली प्रवर्धन तथा संरक्षण गर्नका लागि स्थानीय कृषकहरुलाई सहयोग पुग्ने उद्धेश्यले खाद्यान्न बालीहरूको मूल्य निर्धारण गरिएको गाउँपालिकाले जनाएको छ ।
गाउँपालिकाका प्रमुख प्रशासकीय अधिकृत धन बहादुर थापाका अनुसार खाद्यान्न बालीहरु भटमास, भटमास खैरो/रातो, भटमास कालो र कोदोको समर्थन मूल्य निर्धारण गरिएको हो । खाद्यान्न बाली भटमास सेतोको प्रतिकिलो ५० रुपैंया, भटमास खैरो रातो प्रतिकिलो ५५, भटमास कालो प्रतिकिलो ६० र कोदो बराबरको चामल साट्ने गरी समर्थन मूल्य तोकिएको प्रमुख प्रशासकीय अधिकृत थापाले जानकारी दिए ।
उक्त समर्थन मूल्यमा आफूले उत्पादन गरेका खाद्य बालीहरु बिक्री वितरण गर्न कृषकहरुलाई आग्रह गरेको छ । साथै उक्त समर्थन मूल्यमा कुनै व्यापारी तथा व्यक्तिहरूले खरिद नगरेमा गाउँपालिकाको कृषि तथा सहकारी शाखाले समर्थन मूल्यमा खरिद गर्ने गाउँपालिकाका प्रमुख प्रशासकीय अधिकृत थापाले बताए ।
गाउँपालिकाको कृषि शाखा र वडा नम्बर ६ चौखुट्टे बजारबाट खाद्यान्न बालीहरु खरिद गर्ने व्यवस्था गरिएको गाउँपालिकाले जनाएको छ । तोकिएको स्थानमा लगी आफ्ना बालीको समर्थन मूल्य अनुसार मंसिर मसान्त भित्र बिक्री गरिसक्न अपिल गरिएको छ ।
सम्बन्धित समाचार
ट्रेन्डिङ
ताजा अपडेट
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
-
पशुपति आर्यघाटमा बाबुको दाहसंस्कार गरी घर फर्किएका छोरा त्रिशुलीमा हराए
प्रतिक्रिया