ताजा अपडेट
पेट्रोल छर्केर आगो लगाएका कर्मचारी को निधन
अछाम
बयालपाटा अस्पताल परिसरमा साेमबार बिहान शरीरमा पेट्रोल छर्केर आत्मदाहको प्रयास गरेको बयालपाटा अस्पतालका सरसफाइ कर्मचारी साफेवगर नगरपालिका ६ भागेस्वरका शिद्दार्थ आउजीको उपचारको क्रममा निधन भएको छ ।
अस्पताल प्रशासनले करार सम्झौता नविकरण नगर्ने जानकारी दिए पछि डिप्रेसनमा पुगेकाअस्पताल परिसरमा शरीरमा पेट्रोल छर्केर आगो लगाउदा घाइते भएका थिए ।अस्पतालले हटाएका ३३ जना कर्मचारीमा चर्पी सफा गर्ने कामको जिम्मेवारी पाएका साफेबगर नगरपालिका–६ का सिदार्थ आउजी समेत रहेका थिए । अस्पतालमा आर्थिक संकट परेको भन्दै उनी लगायत ३२ जना कर्मचारीलाई अस्पतालले हटाएको थियो । दुई महिना अगाडि नै अस्पतालले हटाएकाे चिठी दिएपछि सिदार्थ तनावमा रहेको हटाइएका अर्का कर्मचारी विशाल पण्डितले बताए ।
'म अस्पतालमा चौकीदारको काम गर्थे । सिदार्थ ट्वाइलेट सफा गर्थे । पुरानो नियुक्ति सकिन दुई महिना बाँकी रहेको थियो । हामी काम गर्न अस्पताल गयौं ' उनले भने,' तिमीहरूलाई हटाइसकेको हो । फेरि किन अस्पताल आयौ भन्दै हाकिमहरुले थर्काए । प्रहरी लगाएर बाहिर निकाले ।' महामारीकै समयमा परिवारको रोजीरोटी चल्ने माध्यम नै बन्द भएपछि न्यूनस्तरका धेरै कर्मचारी तनावमा भएको उनको भनाइ छ ।
अस्पतालको गेट अगाडि साेमबार बिहान आफ्नै शरीरमा आगो लगाएका आउजीलाई हेलिकप्टरमार्फत थप उपचारको लागि कोहोलपुर मेडिकल कलेज नेपालगन्ज लागिएको थियो । कोहोलपुर मेडिकल कलेज नेपालगन्ज मा उपचार का लागी लागिएको भएपनी स्वास्थ्यकर्मी ले खासै ध्यान नदिएको उनि सँगइ रहेका मिन बोहोरा ले जानकारी दिए ।
प्रतिक्रिया