Hamro Bulletin

नेपाली कांग्रेस अछामका जिल्ला कार्य समिति अछामका सदस्य तथा नेपाली जन सम्पर्क समिती जापान कान्तो क्षेत्रीय समितीका सचिव लोकेन्द्रजंग कुँवरले आफ्नो जन्मदिनको अवसरमा शैक्षिक सामाग्री वितरण गर्नु भएको छ । विद्यार्थीहरुको उज्जवल  भविष्यको कामना गर्दै मायाको चिनो स्वरुप लेखन सामग्री उपलब्ध गराएको कुवँरले बताउनु भयो ।

साँफेबगर नगरपालिका –१४ पातलकोटमा रहेको पिपलपार्क आधारभुत विद्यालयमा कक्षा ३ सम्मका ९३ जना विद्यार्थीलाई शैक्षिक सामाग्री वितरण गरिएको नेपाली कांग्रेस क्षेत्र नम्बर १ का क्षेत्रिय सचिव भिम कुँवरले बताउनु भयो । लोकेन्द्रजंग कुवँरका दाजु धुर्व कुँवर र भतिजा महेन्द्र कुवँरको विषेश उपस्थितीमा  शैक्षिक सामाग्री वितरण लगरिएको थियो ।  

कार्यक्रममा प्रदेश क का उपसभापति विमल कुँवर , विद्यालय व्यवस्थापन समिति अध्यक्ष कृष्ण थापा , शिक्षक झंकर बुढा ,कालिका मावि पातलकोटका प्रधानाध्यापक विरबहादुर थापा, शिक्षक मिनबहादु कुवँर , नेपाली कांग्रेसका वडा सभापति संजु थापा ,समाजसेवी गोरखबहादु थापा लगायतको सहभागिता रहेको थियो ।